黄智雯为HOY TV春晚跳踢跶舞：十几年无跳喇

现年42岁的黄智雯去年离开效力16年的TVB，之后她就在不同的电视台亮相，最近她就为了HOY TV的春晚进行彩排。黄智雯将会在节目中表演踢跶舞，而她在演艺学院毕业后就没有再跳踢跶舞了，今次她要与50位舞者一同演踢跶舞。

黄智雯接受《香港01》访问时就表示感到荣幸：“因为我哋今次呢个春晚就系将呢一个嘅踢跶舞同埋中国舞，将呢两个虽然系比较少众啲嘅文化，但系能够可以融合埋做一个好大型嘅艺术嘅表演，能够希望透过春晚去推广，或者畀更加多全球嘅华人去见到啦。”而今次的踢跶舞对她来说是一个非常大的挑战：“因为我谂系我由演艺学院毕业之后，就已经冇好真正咁样拎起𠮶对踢跶舞嚟练习啦，咁即系严格嚟讲都有十几年冇认真去练。”黄智雯指自己虽然一直都有练舞，但踢跶舞是一个需要每日都去训练的一个舞种。

黄智雯表示今次的排舞师是她的大师兄，但亦因为是她的大师兄，所以排舞师直接跳过热身：“一嚟就已经系直接就去进入咗我哋表演嘅部分，咁我都好紧张，因为又要即刻要记住啲steps。同埋呢返到屋企系真系要浸暖水啊，又要去拉返筋，因为我返到屋企抽筋抽咗三十分钟，因为太耐冇用𠮶组肌肉啊。因为其实踢跶舞你唔系平时平常人，你唔会无啦啦郁𠮶个我哋叫ankle嘅位置，咁但系𠮶个连续两个钟至三个钟头你就要不断运用𠮶个关节位，就可能令到啲脚趾就有严重抽筋。”黄智雯指踢跶舞其实是她读演艺学院时的一个必读主科，但真的太久没有练习，所以是一个非常大的挑战。

而黄智雯在演艺学院读书时，踢跶舞就是主修科目：“其实jazz啦同埋踢跶舞就系我哋嘅主修科目，咁即系其实我读书𠮶几年其实都会系经常会跳到tap嘅，咁但系因为就系你十几年冇跳，就会生疏咗啦又疏于练习啦。因为其实踢跶舞都系除咗讲求你记得啲step之外，你又要有节奏感啦，同埋你同时之间你记咁多step，你又要个样好松容㖞。咁因为其实tap主要系只脚郁，但系你个上身其实都要俾畀人感觉系好灵活啊，好chill啊，系一件好enjoy嘅事，咁我觉得系要几方面都要重新去训练。”

黄智雯觉得跳踢跶舞比之前拍剧更难：“因为我觉得其实无论系跳舞啦演戏或者系一啲艺术上𠮶个嘢啦，其实你都系要不断要练习。”她提到之前在TVB时拍剧的情况，同都都需要记忆力，但就指跳舞方面记忆力“有啲障碍”：“当你成日经常去练习嘅时候，就好似𠮶组嘅肌肉muscle你经常会用，就会容易啲。即系你记对白都会快啲，但系倒返转呢唔知记舞步又系有啲障碍，咁但系慢慢warm up返呢，其实都系可以。”

而黄智雯被问到有否出错时，她就指“梗系有啦”，更大赞与她一起表演的舞者，因为有些只有18-19岁，但就已经练了8-10年，“即系非常之灵活，同埋佢哋嘅耳仔灵敏度拍子好准”，令黄智雯叹为观止。被问到对著他们会否有挫败感时，她则指挫败感是人生里面不断都有：“我会当佢系一个动力去比自己进步，因为如果我好容易做到一样嘢，我就觉得我觉得可以再大挑战啲，但系又未至于难到你完全做唔到，咁所以我觉得我反而几享受呢一个嘅challenge。”

其实之前在TVB时例如台庆，黄智雯都要跳舞，她被问到现在跳的舞是否比之前在TVB时难度更高，她就觉得每一次都是挑战：“我系好著重𠮶个过程啊！因为你练习嘅过程同埋呢一班dancers，同埋一班战友，即系一齐由唔认识到一齐练习到熟悉，到一齐到最后能够表演到一个50人嘅大型嘅舞蹈，我觉得每一次呢啲挑战，其实个过程先系最好玩。即系最后嘅表演系点，当然系会系好睇我相信，但系个过程我要好享受。”

不少网民都很想念黄智雯于剧集的演出，被问到会否有剧集作品时，她自己都表示很想念拍剧：“其实我自己都一路都好挂住演戏嘅，因为我自己都系演员啦，但系我觉得即系剧本，或者一个合适嘅角色啊，作品都系，我谂系要有好多嘢要即咁啱，都系缘分啰我觉得即系你遇到一个好嘅剧本。所以我自己都系好希望可以快啲演戏，可以有好嘅作品畀观众见到啦。”相信大家都想见到黄智雯于剧集中出现，应该都不太难，因为她表示自己很希望快点拍剧。

黄智雯最近更进军“YouTube界”，而她表示因为有很多不同的平台让艺人去利用，而选择这个是因为由自己主导：“我谂有好多唔同嘅平台，可以畀我哋艺人去利用或者好好去善用呢啲嘅平台，去宣传自己，或者做一啲自己想做嘅嘢。咁YouTube系其中一个好好嘅平台，因为𠮶样嘢系完全100%，由你自己自主去自导，咁变咗𠮶样嘢就系好代表到自己。”