叱咤2024｜张敬轩话Ian漏夜还奖 亦指对方唱live炒车：相当唔好
撰文： 胡凯欣
出版：更新：
《叱咤乐坛流行榜颁奖典礼2024》昨日（1日）于亚博举行，张敬轩虽然有到现场，但就“食白果”而回。虽然在奖项上食白果，但就得到密友陈卓贤（Ian）公开多谢：“佢就同我讲‘你摆喺屋企，我相信有一年你可以攞到男歌手金奖，攞到就俾返呢个奖俾我。’”而张敬轩今日（2日）更连番发文说感觉，亦说到有关Ian“还奖座”事件始末。
Ian的昨日的表现“麻麻”，在演唱时有“走音”的情况出现，所以张敬轩在Ian“漏夜同同事”还奖座时亦有告诉他唱歌时出现什么问题。张敬轩表示Ian好均真，晚上真的去还奖座：“我有话畀佢听寻晚黑唱live炒车，相当唔好。当然我哋行内人知道叱咤台个音响咁多年以嚟都系一个挑战（关于点解系挑战，有兴趣嘅喺度留言，我可以专门开个post讲）但系我同阿陈讲，我跟过甄妮、朱咪咪、陈洁灵、肥妈呢啲前辈揾食，无论个音响几有问题，一上台揸住支咪，扎实嘅唱功就硬硬正正咁样喺𠮶度！”
张敬轩以一个前辈歌手去教导Ian遇到问题时应该怎么办：“观众系唔需要去bear我哋喺硬体上所遇到嘅问题，观众净系嚟享受㗎咋。我有同佢讲：‘无论因为乜嘢原因，自己当晚嘅表现唔好嘅话，就好好记住呢一种唔开心嘅情绪，唔好放过自己。将呢种情绪变成你去训练去进修嘅动力！点解我有时会好认真咁样上网睇人点样闹自己呢？因为令你进步嘅方法嘅答案就喺入面！当我哋面对批评嘅时候我哋要抱住 MAYBE YOU ARE RIGHT 嘅心态！’”而张敬轩亦有告诉大家Ian听完他的意见后反应是什么：“佢谂一谂，然之后答我：‘我一定会再练多啲，一定会越来越好！我有同佢讲、我亦都有喺现场同柏宇讲，阿姜嘅唱功进步咗好多！’”