80岁冯素波评陈家乐初入行表现　两位TVB前艺人过档HOY做串星

现年80岁的冯素波（波姐）去年3月宣布完约离巢，结束与TVB三十多年的宾主关系。波姐最近接拍HOY TV首部原创剧集《我爱九龙城》，日前就与陈家乐、黄泽锋和李文标一齐拍外景。

对于再次与陈家乐合作，波姐表示非常开心：“呢班小朋友，我个个睇住佢哋大，好似家乐仔咁，以前表现比较紧张，到而家就大个仔喇！仲同我讲做咗爸爸，生咗个女，我觉得佢成个人好似唔同咗，开咗窍，以前成日都匿埋一边唔讲嘢，好怕事好惊得罪人咁！ 而家成个人就唔同晒！ ”而家乐就觉得自己没有什么改变：“可能以前自己就唔敢同啲唔熟嘅前辈倾计，近两年如果遇到其他演员，我都会尽量倾下计，因为唔知几时可以再合作，而且做咗爸爸之后，好多人都会过嚟恭喜我，咁就好容易打开话题喇! ”

黄泽锋和李文标都曾经效力TVB，久未拍剧的黄泽锋亦是串星之一，今次于剧中饰演“街市佬”，并跟另一档主李文标持刀对峙，泽锋笑言新鲜感十足：“以前不嬲做开嘅都系律师之类，今次做街市佬真系好正！ 我觉得而家拍电视剧好有电影感，好享受做演员嘅感觉! 总之就系好开心啦! ”