AK@MIRROR拍宠物饮食节目成数零　夜粥小组首唱《FING!》：合格啦

MIRROR“夜粥小组”成员杨乐文（Lokman）、江𤒹生（AK）、陈瑞辉（Frankie）、王智德（Alton）、詹仕伟（Snoopy）及云浩影（Cloud）昨日（31日）一同出席沙田一商场的倒数活动，与一班粉丝欢送2024年，而夜粥小组更首次现场演唱新歌《FING!》，令在场的粉丝都十分兴奋。

Lokman率先向大家表示新年愿望是希望：“大家一定要身体健康，因为身体健康最重要，跟住就继续做自己想做嘅嘢啦，同埋顺顺利利开心心。”Alton在台表示2024年自己有很多东西都解锁，被问到新一年最想解锁什么时，他指：“我又会觉得我哋好好彩，因为我哋都有好多唔同嘅工作机会，都叫做不过不失啦，所以我觉得最紧要大家都身体健康，事事顺利。”AK在台上说要拍宠物饮食节目，访问时被问到“成数”到底有几多时，AK解释“成数呢一集都系零”。

Lokman听到AK说到拍宠物饮食节目就立即插话：“头先我听到有宠物煮嘢食，即系你教宠物煮嘢食？”Alton表示：“其实我想睇！”AK立即陷入苦思，三位兄弟你一言我一语的问他，AK最后话：“我谂紧系咪要动用自己只宠物去教其他宠物，但我谂都系‘锅可’㗎啦。”身边的兄弟向他表示“都好睇”之后，AK就信心满满的表示：“金生，呢个挑战我接咗佢！”

Frankie亦即将有剧集准备播出，他指：“应该就系今年嘅年头，大约几时我都仲未收得好清楚，我知道年头啰嗦。”Frankie亦会为剧集唱主题曲，虽然他只点头但带有不确定的味道，连AK都笑他：“你见佢啱啱点头𠮶下，冇咁firm㗎！”

至于4人昨日第一次公开表演《FING!》，AK就觉得“可圈可点，so far so good”，Lokman就觉得是“不过不失”。AK评为“合格啦。”Lokman指：“当然第一次表演，一定系寄望有更好嘅进步空间，如果第一次有100分，咁就唔得掂，根本冇可能，亦都希望因为今次未系好高分，所以希望有下一次。”

至于被问到来年会否有计划再开巡回演唱会及会否有新地方想去时，Lokman大卖关子指：“嚟紧今年都已经计划咗一啲，我谂个人啦，小组同埋团体都有啲计划嘅，咁当然唔方便同大家讲，大家想留意多啲消息嘅就继续留意我哋啦。”