谭玉瑛突被告知调离儿童节目曾极失落　离开前偷偷做一事闻者心酸

谭玉瑛姐姐近日接受方健仪网台节目《女人方言》访问，畅谈做儿童节目的生涯，以及罕谈自己的爱情观。

谭玉瑛是香港的儿童节目Icon，她坦言做儿童节目主持并非自己心愿，当初读完训练班，纯粹不想做演员才去做儿童节目，她说：“我系唔钟意做艺员，因为又要挨更抵夜，又冇自己嘅私人时间，总之样样都觉得唔系几啱我，点知有个儿童节目，你可以唔使挨夜㖞，跟住我每日做嘅再介绍啲嘢俾小朋友知，我自己都好想知㖞，真系几开心。”她自觉非常幸运，因为她主持儿童节目的年代，是小朋友会睇儿童节目的年代。

多年来一直有指谭玉瑛其实不特别喜欢小朋友，她坦言：“我冇特别钟意小朋友，但系我钟意人，所以我钟意同人相处到，但系我唔钟意小朋友唔系因为佢烦或者系点，我觉得你做一样嘢俾小朋友睇，你必须要正确，令到佢真系因为睇你呢个节目有啲得着，我介意呢啲嘢，所以表达嘅时候，讯息必须要正确同埋啱佢哋。”不过她就觉得与小朋友合作很开心、冇压力，她会不会特地去评价这个姐姐靓女与否，而自己做儿童节目的信念，就是想像自己如果是一个小朋友，会想看一个怎样的节目。

谭玉瑛又表示，其实做儿童节目对她来说并没有“返工”感觉，感觉每日返去儿童组生活一下，然后又回家，虽然她学戏后对演戏都有一定兴趣，但就多次拒绝监制邀她拍戏的要求：“80年代有啲监制叫我出去拍剧，佢话有啲短剧好欣赏我，叫我出嚟拍剧，我谂都唔谂，一口就拒绝咗佢，佢问使唔使谂吓，我唔想俾自己咁忐忑，因为我根本就好钟意我而家做紧嘅嘢。”

讲到与初恋男友相爱40多年仍不婚不育，谭玉瑛解释是因为见惯很多人离婚，觉得两个人拍拖好开心，但如果分开要办很多手续，对她而言是一件悲剧。而对于生下一代，她认为：“做人唔系咁开心啫，唔好搞咁多人出嚟喇，同埋点解我会成日话想努力啲，提升自己，做人人开心啲，就系因为做人实在唔系咁开心，所以你必须努力先可以开开心心过日子，唔可以戆下戆下。”她希望成为一个更喜欢自己的人，所以常睇报纸睇书去增值自己，提升各方面能力。

方健仪再问到，她有否经历过很不开心的时期，谭玉瑛直言就是冇得再做儿童节目的时候，其实过往她已经讲过，自己被高层余咏珊叫入房，暗示她年纪大，想请一些较年轻的儿童节目主持去接棒，谭玉瑛再在访问中向方健仪透露：“因为我系被告知，‘得喇，你唔使做喇。’我记得𠮶时我有好多茶叶摆喺公司locker，一到食饭我就会叫晒啲同事，话‘下一场仲有，一齐食饭啦！’我又唔畀佢哋叫奶茶咖啡，大家都要饮𠮶啲茶，食完饭你哋自己钟意饮就饮，当时我唯有即刻走去locker静静鸡收返所有茶叶，又唔会同人哋讲，𠮶时个感觉系难受。知道我做埋下个礼拜就要撤退，又唔可以同人讲，静鸡鸡，𠮶时系几难受。”

对于为何要“静鸡鸡”离去，她就谈到一件往事，以前儿童节目常常换监制，其中一次，换人后新监制说：“谭玉瑛，我想收埋你两个礼拜，你唔好再返工，我哋想有啲改动……”不知怎地这件事传了开去，令谭玉瑛成为被追访对象，使她十分困扰，“如果呢件事真系要发生，你就让佢发生，你嘈喧巴闭都系会发生，不过嘈完一轮（再继续）咁解啫。所以我觉得如果呢件事公司冇谂过要讲出嚟，咁我做乜要自己喺度嘈喧巴闭呢？究竟你想点，嘈喧巴闭一定有个动机，我都冇动机，要嘈喧巴闭去改变，我自己都唔想。”

讲到要告别儿童节目，Last day有何感受，谭玉瑛说：“净系好想快啲返屋企，因为好多记者跟住你。（方健仪：觉得屋企系庇荫之所，有人等紧你？）都系，我钟意喺自己屋企，不过屋企要行楼梯，谂紧老咗之后使唔使去啲有䢂嘅地方，但当我谂到要离开，又好唔舍得。”节目中方健仪问谭玉瑛对“优雅地老去”有何看法，谭玉瑛觉得要识扮靓才是优雅地老去，但自己并不懂得扮靓，之后她又说：“好怕老咗之后有啲行径系老人家先会咁，恃老卖老，唔会谂人哋，如果你同人哋相处，就会不断提醒自己唔好做啲令人觉得好odd嘅嘢，咁呢啲人就会优雅地老去。”