江信熹入选百大型男第29位即多谢粉丝　自爆忙到半年冇返澳门屋企

澳门日前（28日）于新地方举办户外音乐会，不少歌手都有出席，例如：亚洲超星团、张敬轩、张智霖、周柏豪、卫兰、胡定欣、陈展鹏、罗启豪、钟柔美、张驰豪、黄洛姸、林智乐及姚焯菲等人。亚洲超星团成员丁子朗、冼靖峰、黄奕斌、张镐濂、文佐匡、区珀豪、黄星绰、余宗遥及江信熹再次重聚，9位大男孩玩得不奕乐乎，更立即为整场音乐会添加了不少青春活力。

9位成员接受《香港01》访问时表示再重聚表演都感到“好开心”，亦希望之后会再多点机会合作。而作为澳门人的江信熹今次回到自己主场表演，他都感到兴奋，但就透露很久没有回家了：“其实我已经半年冇返屋企，跟住觉得一返嚟就有咁大嘅舞台等住我，梗系好开心。同埋最主要系同佢哋有重聚嘛，因为好耐冇见！跟住一齐合作舞台，一直系一齐咁样喺咁大嘅舞台上面表演，都好兴奋。（今次有冇趁机会返屋企？）有啊，一落地就即刻去返咗屋企。”

而江信熹入选百大型男第29名，身边的成员立即为他欢呼，他则表示自己没想过：“其实冇谂过呢件事情，我觉得一定系粉丝喺背后付出咗好多，即系帮我投票，或者系一直咁样去support我，即系多谢佢哋。”

9位成员今次在台上表演了《Shining》及《初恋》两首歌，但因为江信熹之前并未跳过《初恋》，而大家亦各有各忙，他们被问到会否很难夹时间排练。江信熹即表示幸得张镐濂帮忙：“我系冇学过《初恋》嘅，跟住我喺北京𠮶阵时就LimLim（张镐濂）就教咗我先，跟住一过嚟之后细Hugo（黄星绰）又帮我。帮我整啲动作，跟住我觉得好快就跟上啦。”