丁子朗爆团名原先唔系叫亚洲超星团　区珀豪误以为周柏豪粉丝叫佢

澳门日前（28日）于新地方举办户外音乐会，不少歌手都有出席，例如：亚洲超星团、张敬轩、张智霖、周柏豪、卫兰、胡定欣、陈展鹏、罗启豪、钟柔美、张驰豪、黄洛姸、林智乐及姚焯菲等人。亚洲超星团成员丁子朗、冼靖峰、黄奕斌、张镐濂、文佐匡、区珀豪、黄星绰、余宗遥及江信熹再次重聚，9位大男孩玩得不奕乐乎，更立即为整场音乐会添加了不少青春活力。

9位成员接受《香港01》访问时表示再重聚表演都感到“好开心”，亦希望之后会再多点机会合作。

成员们被问到相隔一段时间再跳《初恋》有没有掉拍时，张镐濂立即反指：“不如问有冇比之前更好”，但自己就心虚地说：“我觉得我几好啊！”余宗遥坦言自己已经整年没跳舞：“所以老实讲我真系唔小心甩咗两次！”他更透过自己唱第一句就“冇气”。虽然余宗遥觉得自己唱得不好，但就获得冼靖峰鼓励：“我ear mon听住你OK，我听到你OK。”

丁子朗则表示虽然隔了很久没跳，但音乐一播时感觉就回来了：“音乐起呢，我哋啲感觉就返晒，咁今次好好啦，有细Hugo帮我哋重新再排多次，加𠮶啲拍子，加𠮶啲舞蹈动作落去啦，咁所以其实我哋一on beat嘅时候就返翻嚟。”丁子朗更透过原来他们本来不是叫“亚洲超星团”，他们更有“团名”，难道网民的希望真的成功了？真的由他们香港区成员组成男团？丁子朗续说：“我哋有团名叫做‘亚洲星势力’，咁所以我哋rehearsal嘅时候都讲咗几次，但系我哋老细阿曾生（曾志伟）就话：‘咦！好似唔系好对路咁样，都系叫返超星团好似啱返啲我哋阵除。’咁所以一改返个名啦，播返首歌，我哋就觉得即刻上返身啦，回忆返晒嚟。”

负责跳舞方面的黄星绰就表示跳舞对大家来说“食生菜咁易”：“我哋第一日26号𠮶阵呢，除咗因为呢今次喺verse𠮶度，系有重新编排𠮶个动作，因为我哋个台今次嘅设计，喺本身好多地下嘅动作，下面嘅观众系睇唔到嘅，咁所以就改咗啲动作。咁江信熹同埋阿Lim，其实都pick up得好快，咁26号我哋就喺空地𠮶度，练咗几次其实佢哋都记得晒啲走位啊𠮶啲㗎啦。”

虽然他们很久没合体表演，但其实私底下都有见，张镐濂即表示：“即系譬如Pako啊、江信熹啊，我哋三个其实经常性都喺内地，所以就好少真系返到嚟聚，其实好难得今次真系齐人咁聚返喺呢度。”他们应该真的太耐没见面，区珀豪突然轻声说了一句：“好挂住阿Dez（余宗遥）！”

他们被问到有否趁今次聚会一下，张镐濂即兴奋表示原本打算到江信熹家开的餐厅吃饭：“不过真系冇时间。”丁子朗就表示最后大家亦有吃了一餐：“寻晚大家一齐食咗餐饭，好开心咁一齐打一餐边炉咁样，联谊吓咁，大家都好耐冇见。”但原来区珀豪吃完这餐饭后，竟然生病了，丁子朗更指他彩排的时候“瞓咗系舞台”，应该是肠胃炎令他没力，所以累摊在地上。

但表演完后区珀豪的活力就回来了，因为听到台下有很多人大叫“柏豪、柏豪”，他立即兴奋起来跟台下的粉丝打招呼：“叫Pako我钟意你啊，好多灯牌添，点知佢唔理我同佢哋hello。”原来台下的粉丝对他视若无睹是因为他们是周柏豪的粉丝，虽然不是他的粉丝，但他仍然兴奋地说著。

大家被问到近况时，丁子朗率先表示：“完咗呢度之后会即刻去一个另外一个地方𠮶度进行一个好大型嘅制作，咁希望大家可以好快公布同大家期待下呢一个剧集啦。”黄奕斌则表示刚刚参加了乐坛第一张成绩表，而他们都各自得了奖：“我哋今日就啱啱同Archie参加完新城颁奖典礼返嚟，系咁我哋各自都有斩获。”

而余宗遥及黄星绰为了今次黄奕斌及江信熹的加入《初恋》的舞台，重新编排了歌曲及舞蹈，黄星绰指：“希望用尽main stage runway同埋sub stage”。