前“财爷”曾俊华排半个钟叹茶餐厅极贴地　身形Fit爆气色超红润

前“财爷”曾俊华离任后生活精彩，曾客串剧集《IT狗》与MIRROR对戏，又上过电视节目《ERROR自救TV》接受保锜访问。来到年尾，曾俊华在Instagram上分享多张近照，近年香港被指经济吹淡风，曾俊华陪市民一起食茶记，非常贴地。

曾俊华撰文透露今年留港与家人朋友度过圣诞节，孙女从外国回港，曾俊华特地包起中环一间戏院与老友睇戏，他说：“喺呢个圣诞节，我都系喺香港同家人朋友，过咗个好平淡，好纯家庭共聚嘅节日。喺外国读书嘅孙女趁住假期返咗嚟香港，我哋就特登同一班朋友，喺中环一间戏院，包咗间小影院，朋友带埋佢哋嘅仔女，我就带咗几个孙仔孙女，一齐睇 Moana 2，小朋友都系钟意睇动画嘅，我自己都觉得套戏几好睇，相当励志。”

至于圣诞节正日，曾俊华则与老婆叹茶记。他分享照片，相中他打扮得相当随意，戴Cap帽及太阳眼镜，身形Fit到漏！他与普通市民一起排队，排足半个钟与老婆叹奶茶蛋挞。曾俊华又到商场行街留港消费，并开心与圣诞老人合照。文中他指：“到圣诞正日，我都畀自己放下假，瞓晏啲，跟住就同太太由屋企行落山，去马场行咗个大运，当做运动。之后就去跑马地一间好出名嘅茶记，跟大队排咗半个钟，食佢哋最出名嘅新鲜出炉蛋挞。香港朋友好习惯为食好嘢，大排长龙都在所不惜，但我嘅曾太从来都唔行呢一套，佢系𠮶啲要排队就宁愿唔食嘅‘决绝师太’，但系佢就为咗呢间茶记𠮶杯正到痺嘅奶茶，破例陪我排队入店，喺我哋前面都有成十五六个人喺度排队等台，要成半个钟先至可以坐低㗎。佢哋嘅新鲜出炉蛋挞真系一流，食番个，简直系人生‘盛’事啊。”

曾俊华不忘宣传香港，大赞奶茶蛋挞好食，“真系值得企喺外面嘅时间。呢啲香港少有嘅特色，可以多啲向外宣传。”