尹光曾嗜赌成性曾欠下巨债　为家人洗心革面戒赌：输咗一层楼

尹光（光B)今日（27/12）现身湾仔会展出席冬季购物节。光B透露最近为导演王晶执导的电影《麻雀女王追女男仔》唱主题曲，谂起三十多年前的自己嗜赌成性，一晚输掉成副身家：“记得喺84年前我系输得好犀利，试过一晚输咗一层楼，当时市价一层楼大约十几万一层，到82年同我太太结婚之后，再喺84年有咗小朋友之后，我系戒咗赌钱，可以话系佢哋令我改变咗。”

光B续说：“𠮶阵时揾钱容易，记得一晚走9场，日揾2千蚊，当时呢个收入，系当时打工仔嘅月薪人工。谂返起𠮶阵时，赌亲钱嘅时候系懵查查，赢就缩输就谷，点知就系你赌十铺，谷十铺咁就死啦，就返唔到转头。后尾用咗好长时间先还清，可以话系长命债长命还。”