陈松伶激罕夫妻档谈14年婚姻之路　回应外界唔睇好相差8年姊弟恋

现年53岁的陈松伶与年轻8岁的内地小生张铎在今年步入结婚14周年，他们日前以夫妻档的身份作客汪曼玲的YouTube频道节目大谈14年的幸福婚姻之路，陈松伶真情剖白当年与老公合作拍摄剧集《血未冷》看到对方第一眼的感觉：“我睇佢个样，我觉得佢比我大，我𠮶阵时冇特别嘅谂法，净系觉得佢系一个好同事，但相处落嚟我觉得佢好温暖，佢系一个好细心嘅人。”她继续指最初与老公未发展的时候，因为得知对方的年纪而却步，她说：“佢（1979年出世？）我真系吓亲，我就话几好呀，不如我哋做朋友！”

相差8年姊弟恋

谈及两夫妻的年龄相差8年，陈松伶直言：“我本身都唔系一个咁成熟嘅人，我本身都想俾人照顾。”被问到是否最初认为年纪大的伴侣比较适合，她说：“系嘅。”张铎则笑说老婆若果找年纪大的伴侣一定不适合，并解释：“因为佢太活泼，精力非常充沛。”讲到如何冲破年龄的心理障碍，她表示：“其实系佢（老公）俾我去冲破，佢话你唔试过点知呢！其实中间都发生好多事，譬如旁人嘅指指点点。”

提到是否外界不看好，她直言：“系啰，都要慢慢每一步去磨合好紧要，我同佢（老公）都磨合咗三年。”至于两夫妻是否也需要特别去适应，她表示：“我哋文化冲撞得好大，同埋生活嘅习惯，要开始接受另外一半（生活所需）。”她继续指老公是东北人，所以说话比较直接。谈及会否因为老公说话太直接而伤害到弱小心灵，她坦言：“咁又未至于，因为我入行太早啦！”

张铎难忘老婆陈松伶直接敲门见父母

陈松伶忆述当年曾经想过退缩接受姊弟恋关系，不过老公却用行动去表示爱意。对此张铎回应：“我唔太擅长用言语去讲一啲嘢，我觉得系关心人同埋帮助人，唔使一啲好实际嘅行动，基于我哋一齐合作拍戏三个月嘅时间，都冇啲乜嘢，我知道佢系一个好专业嘅演员，后来我觉得佢系一个好好嘅女仔，我可以用八个字嚟形容，就系不动声色，无微不至。”

张铎大赞老婆优点多：“对人好热情同埋好善良，同我个父母相处做嘅比我想像中更超出想像，我哋啱啱认识嘅时候，后来我嘅爹哋妈咪就去探班，𠮶一日我系要返工，然后佢就主动去到我父母嘅房间介绍自己个名同埋喺香港嚟，跟住又话自己系几年出世，而家同张铎系啲咩关系？”他特别难忘老婆直接敲门见自己的父母，并表示：“佢真系好开朗，敞开心扉嘅性格。”他直言毫不在乎外界的反对声音。

陈松伶有担心过老公父母对生育有顾虑

陈松伶认为老公的父母一开始可能会有所顾虑：“因为年纪比佢个仔大，心里面可能会再谂生育嘅问题，家庭点样建立？我觉得可以敞开心扉同我讲，睇吓我点样解开佢哋嘅疑虑，因为我哋真系好用心去建立感情。”陈松伶被问到生育的问题，老公父母会否对这方面特别关心，她说：“会㗎，所以要解释比佢哋听。”谈及当年刚结婚的阶段属于38岁是高龄产妇的年纪，张铎马上表示并没有这个必要：“我冇要求，我冇所谓。”

亲述如何维系夫妇感情

陈松伶继续指幸运整个家庭也很开放和包容度很大。被问到如何维系二人感情，抗拒外界的诱惑，坦言：“我觉得老婆有好多让我欣赏嘅地方，我觉得佢对人同埋生活嘅睇法，包括对长辈其实喺佢身上学习到好多。”陈松伶则表示：“我哋每一日基本上维系嘅感情都会揾到发光点，我哋每一日生活都会有啲谂法，好彩有一个好嘅伴侣。”她继续指现时的婚姻生活特别愉快，并表示：“我哋两个就好似小宇宙咁样身边有好多好好嘅朋友，我哋享受紧唔止爱情，仲有亲情同埋友情，好用心去栽培呢段关系，所以冇闷场同埋厌倦咁。”