【流行经典50年】李彩华预告开骚　称做好歌要讲缘分

李彩华（Rain）继书展出写真之后，又到TVB为节目《流行经典50年》演出，上得呢个节目都起码要有返一两首经典歌先得，Rain又会唱咩歌呢?Rain笑言：“《你唔爱我喇》，对于我嚟讲依首应该系最经典㗎喇!”

Rain仲话十月底将会在麦花臣开骚：“𠮶到依家迷你红馆嚟㗎喇，啲场几full啊，我哋等咗几耐先排到十月底啊，排咗大半年喇。”好多歌手都会为开演唱会特登做新歌，Rain亦都唔例外，但她就比较想揾到一首有缘分的歌才做：“最紧要系有咁啱有一首好嘅歌，依家密谋紧有冇啲好歌，讲真好歌真系难求，点解依家啲人咁钟意翻唱，因为啲歌好听吖嘛，揾到好歌就做，揾唔到就唔勉强。”

提到可以再试《你唔爱我喇》这类口语歌，Rain笑言：“我呢个年纪又唔系咁啱唱呢啲歌，如果一首全新感觉就唔系咁啱，可以类似又唔会系呢种感觉，𠮶时十几廿岁就少女味重啲，撒娇味重啲，但而家就唔得，要成熟啲有个进化版。”Rain更表示自己都好钟意Rap和Hip pop，有机会好想试下。