江若琳车祸后每晚梦见灯柱　网传“江若琳湾”：我揸车超过10年

江若琳今日（26日）出席第58届工展会活动，并即场献唱新歌《一圈》，吸引200人围观。江若琳本月（13日）于尖沙咀发生交通意外，座驾严重翻侧即时送院，对此，她接受访问时表示：“啱啱同完阿仔去完东京旅行散心咁就好啲，首先就好多谢大家关心，人间有爱疯狂炸开咗个电话，每个都好担心我，好幸运完整无缺咁企咗喺度。”讲到有否吓坏屋企人，她直言：“梗系有，先发现原来朋友真系有好多，啲讯息多到三日都覆唔切。”

提到车祸的事发经过，她说：“其实大家就见到我揸得好慢，完全系冇好快，其实𠮶一下扭軚好想扭返过去，有啲冲力，跟住架车就反转，都唔相信眼前见到嘅事，经过呢件事发现保住条命系好紧要。”至于是否脑海空白一片，她直言：“个脑空白咗好多日，每一晚瞓觉瞌埋眼就会见到电灯柱，真系会有呢啲心理障碍，而家我老公揸车，我都会不断叫小心，去到啲安全度都会叫佢小心啲。”讲到是否最近都不会再驾驶，她说：“暂时都唔会住，要啲时间去克服同埋度过。”被问到是否自己的驾驶技术不好，她直言：“其实我嘅牌照都有10年以上，我揸车都唔系新牌仔同埋新手，有阵时会有啲意料唔到嘅事情会发生。”

被问到是否车出现问题，她表示：“其实架车使用嘅年资都比较大，其实出车嘅时候都觉得有少少怪，我有少少觉得踩油门𠮶一下系怪怪地，但总之大难不死就系幸运。”谈及是否要换车，她直言：“暂时老公做住司机先。”她续指特别感谢老公的关心和照顾。讲到当发生车祸时香港人合力拯救一事，她表示：“好感动，真系觉得好多爱，好多谢佢哋好想尽快快去救我出嚟。”

被问到最近网上流传“江若琳湾”的图片，她说：“有嘅，系尴尬嘅，希望阿仔大个咗之后就冇咗呢一个湾。”至于铜锣湾有姜涛湾，现时尖沙咀有江若琳湾，她笑言：“失礼！”讲到会否担心被网民取笑而生气，她直言：“冇呀！好多谢大家嘅关心，例如喺屋企附近每一个都问我有冇事，我系有撞到少少个头。”她指幸好车祸当天儿子并不在车上，并表示：“而家经过条路都有少少阴影，特登避开，就会兜路走先。如果以前嘅我系一定会喊，但做咗阿妈之后就唔同咗，我当时第一个反应就系要逃生，因为我屋企真系有小朋友，我就好冷静咁戴安全带，就话我喺度。”她强调车祸发生后全程也没有哭。讲到有否拜神，她说：“真系要多谢上天。”讲到明天即将在广州举行巡回演唱会首站，她说：“系紧张嘅，但系经过咗咁多事之后，2025年过得平淡就OK 㗎啦！”