潘静文畀妈妈话做主持表情管理太差 赵小婷最难忘同fans搞生日会
《声梦》歌手冼靖峰、潘静文、赵小婷昨日（25日）圣诞节正日出席上水一商场的活动，潘静文及赵小婷原来更是第一次与粉丝们一起欢渡圣诞，二人更唱出圣诞歌及一首自选的歌曲，在场的粉丝们听得十分陶醉。
潘静文及赵小婷接受《香港01》访问时圣诞会怎样过时，赵小婷竟然是回家“埋头苦干”：“其实我完咗呢个show返屋企呢，就会继续温习啰。因为都就考试，同埋寻晚都玩咗够㗎啦，咁所以系时候收心养性㗎啦。”而潘静文的圣诞就很充实：“今晚呢就好开心去我阿哥屋企啦，成家人一齐BBQ。系十几廿个咁样，因为我同埋啲舅父阿姨全部都喺度，真系普天同庆咁样。”
至于第一次与粉丝一起渡圣诞的二人又有怎么的感受，赵小婷就觉得很难得：“因为呢平日就算见fans呢都唔系一啲咁特别嘅日子，咁我觉得喺一个咁特别嘅日子见到佢哋系有一种好似好重视嘅感觉，即系我都好开心，圣诞节都仲拣嚟睇我哋表演，我觉得好感动。”
二人被问到2024年即将过去，对今年有什么总结时，赵小婷就表示生日会令她最有成功感：“头先我讲𠮶个生日呢，搞咗个mini mini mini concert咁样，咁我就好开心，因为𠮶个都系我同fans club一手一脚自己搞嘅。咁成件事好有满足感，由拣场地去到所有嘢design，去到拣歌去到揾band，呢啲即系我觉得好圆满，好钟意完成一件自己嘅宝贝嘅一种感觉。”
潘静文觉得今年最难忘的有两件事，分别是：“我谂今年最难忘系我有份拍一套剧啦，而呢套剧其实我系其中一个单元嘅主角，但系我试咗好多唔同嘅嘢，即系可能要碌下楼梯啊，即系揾替身啊，跟住又化到个妆人哋认唔到我啊，呢个系其中一个啦。第二个就系可能做咗好多唔同嘅大show主持，特别系奥运嘅主持，当问我要揾潘静文做奥运主持，我系好担心自己究竟应唔应付得嚟呢？但系我觉得四年一次嘅机会冇理由咁样推走嘅，咁就所以喺做呢一个工作之前就真系preparation好多，咁我觉得出嚟个效果系我对得住自己，所以今年overall成一年嘅工作我觉得自己对自己都有个交代。”
潘静文被问到在做奥运主持时有什么不足之处时，她则指表情管理太差：“𠮶阵时因为其实做紧奥运嘅时候，同时都系夜晚嘅凌晨𠮶个时间就拍剧，朝头早起身就返公司开厂做奥运，其实𠮶个精神系唔系好够嘅，所以喺个镜头面前，我妈咪有叫我你要笑多啲啊，所以就经过佢嘅提醒之后，我就有keep住再笑下呢。咁就好啲，因为唔够瞓嘅情况系唔会知道自己原来𠮶个表情管理太差。”
至于被问到来年的计划时，潘静文就指希望来年可以推出多点不同的歌曲：“谂下究竟出继续出惨情歌好，定系一啲轻快啲嘅歌好，咁希望可以每样做一首就最好。”而赵小婷则表示要考好个试：“我自己头几个月嘅目标就系考好个毕业试先，咁考完个试嘅去向点样呢，咁我就要到时再睇下点。”除了考好个试外，赵小婷都有表示自己身体不健康，要多一点健身：“我想试下开始做多啲gym，因为我就最太弱同埋又唔做运动又唔健康，咁我想考完试之后我冇借口唔做㗎啦。”