专访｜区明妙被前辈建议真诚放胆啲　从此减少P图：有瑕疵先系我

区明妙（Miumiu）是近年TVB剧的御用学生妹，饰演过不少视后级人马的少女版，演技备受赞赏，然而却不是太多人认识真正的她。其实Miumiu入行的时期，遭逢父亲急病离世，原本仍处于人生最迷惘阶段，不知应该专心读书还是做演员的她，最终就因为父亲临终时期的一番话，决心投身演艺行业。

童年时名列前茅　初中爱上表演曾影响成绩

小时候的Miumiu是个乖巧听话、认真读书的乖乖女，她在校内名列前茅，每次都是全班头十名甚至头三，听从爸妈安排去上补习班和参加课外活动，原本以为将来都是继续循这样的路，按父母心愿做专业人士，然而13、14岁却来到了一个分水岭。Miumiu不讳言当时颇反叛，接触K-pop、迷上了TWICE，去学唱歌跳舞后便开始思考：“大人讲𠮶条路系咪真系我想去做嘅嘢呢？”萌生了女团梦的她非常勤力，但亦因而令成绩逐渐落后，“去到某一个阶段系突然之间得Drop到好低，去到30几40名，跟住去到我DSE𠮶阵，我觉得我挂住拍戏，冇考好，都有令一啲老师失望。”

陪朋友去家燕妈妈中心学戏　未几已入TVB拍剧

Miumiu不是那种从小立志要做明星的人，倒是十几岁才发现自己爱上了表演，“一开始喺学校𠮶度join咗个英文话剧班，识咗个朋友，佢叫我‘上堂啦，家燕妈妈𠮶度有表演机会㖞。’跟住就跟咗佢上，𠮶阵都系一啲比较BB班啲嘅Acting，就系有啲玩游戏，考反应，或者教我哋Casting技巧为主。”Miumiu算比较幸运的一位，上了一、两期就遇上了试镜机会，一击即中，在剧集《一屋老友记》中饰演少女版滕丽名，从此开展了自己的演戏生涯，“我觉得虽然我比较好彩，但系我觉得我一路过嚟都系一步一步，慢慢慢慢，一个个细角色慢慢咁样上，反而我觉得好实在。”

14岁经历父亲病逝　因临终一番话决心入行证明自己

Miumiu起初并不肯定自己应否做艺人，就算拍剧都冇特别向家人交代，因为她是童星，有守则规定TVB几点就要放人，所以她要么就说是做功课，要么就说是跟朋友出去，“有时拍咗戏都冇同屋企人讲，出街先话你打开电视睇吓，不过后来佢哋都知道。”Miumiu自小与父亲感情很好，在14、15岁那年，父亲却突然因癌症离世，当诊断到的时候已是末期，由收到噩耗那刻，到看著父亲离世，中间只得一个月的时间，年纪轻轻的Miumiu根本还未懂得如何面对这突如其来的告别，打击当然极大。

她说：“𠮶阵时爸爸啱啱过身，咁啱处于我好似要为未来做选择，或者系我有啲迷惘、‘我应该拣咩呢？’嘅时候，我好记得爹哋临走之前，我有同佢嚟过一个深度啲嘅对话，有同佢倾吓，爸爸俾我嘅回应就系觉得，如果你想做𠮶样嘢，就畀心机去做，你唔好想做呢样又想做𠮶样，你自己拣一条路，你就要畀心机。可能我同佢讲话专心读书定系发展我嘅演艺行业呢，爸爸𠮶阵同我讲，你专心读书，你畀咗努力，你会有一定嘅成果，但系拍戏你畀咗努力，未必一定有一定嘅成果，但系最紧要你自己唔好后悔。”听了父亲的一席话之后，Miumiu终于决定投身演艺行业，不想让自己后悔。

由细到大，在父亲面前Miumiu就是一个问题少女，爱追著他问东问西，也很喜欢驳嘴，即使到了现在，父亲都过世8、9年了，但有一点Miumiu始终不习惯，她说：“有啲时候好想揾个人倾吓，尤其是入咗行之后，就算几真心嘅朋友，你有啲嘢都唔讲得。可能屋企人就可以咩都接受，咩都可以讲，有时好想有个人你可以同佢倾吓，或者知道佢永远都会企喺你𠮶边。”讲到父亲在世时，自己会否有些可以做得更好的地方，Miumiu就觉得自己应该大胆些：“细个𠮶阵可能唔敢同Daddy表达太多爱，觉得好怕丑，我又系女仔呀嘛，爸爸又系男嘅，就唔好意思，我觉得如果以后有小朋友，我就会同佢讲，尽量表达爱。”

身为家中长女性格独立　太早入行遗憾失去校园生活

Miumiu还有个妹妹，在爸爸突然离去之后，家里就剩下三母女相依为命，虽然家中不算有太大经济压力，但作为姐姐的她，或多或少觉得自己好像要揹起这头家，“要呀，所以𠮶阵我成副心机放咗喺做戏，好想做戏，经营个Social Media，想快啲出嚟做嘢，想快啲证明到自己！”Miumiu个性算比较独立，她认为是环境使然，自小就有很多事情逼著她去独立，就连第一次去电视城拍戏，她都是自己一个，没有通知妈妈和妹妹，不过却有告诉坐在邻座的同学。

Miumiu笑言：“我好记得𠮶时有个坐喺我隔篱有个女仔，我成日同佢讲笑，我喺佢本书度签名，我话你呢个签名以后不得了呀！𠮶阵同佢讲笑，毕业咗之后我记得有一排撞到佢，佢同我讲话：‘哈，你𠮶阵讲嘢你而家真系做到㖞！’” 今时今日，也真的会有人问她索签名，这种感觉对Miumiu来说相当梦幻，儿时开的玩笑，居然慢慢成真。不过太早入行也令她的成长期缺少了跟家人、同学相处的时间，“人哋中学会去历奇训练、班会活动，我可能会Miss咗好多，因为𠮶阵想证明自己多啲，都的确想过做女团，成日好勤力，一副心机摆喺呢边，个脑净系谂呢啲嘢。如果可以返返以前嘅话，我想balance返啲，好似少咗好多同同学玩嘅机会。”

曾因不想丢低母亲　放弃赴韩做女团练习生

很多人都渴望去韩国做练习生、做女团出道，同属家燕妈妈门下的就有一个庄锭欣，Miumiu 16岁时亦幸运地曾获得赴韩做练习生的机会，然而她却拒绝了，“𠮶阵时仲未好清楚自己个方向，同埋我𠮶阵又未中学毕业，始终想起码完成咗中学毕业先。”这个决定对她来说当然很不容易，千载难逢的机会被自己白白送走，她事后也很难过，“𠮶阵时拒绝完第二日系喊醒咗，就觉得‘好可惜呀！冇得去呀！’而家回望返唔后悔。”后悔是没有意义的，没人能担保当时去了韩国，一切就是否会比现时更好，Miumiu亦觉得，若非当时拒绝了，就没有机会拍《她她她的少女时代》、没机会被香港观众认识、没机会签邵氏等等。

除了因为想完成学业，Miumiu坦言不想丢低家人也是原因之一，尤其当时父亲已不在了，自己更不想一走了之，“我自己走咗过去，妈咪点算呢？我又未读完书，即系要妈咪寄零用钱畀我㖞，又唔想多个负担，反而想自己去赚钱。”因此，Miumiu自18岁后就再没问家人拿过一分一毫零用钱了。虽说最终没有加入女团，但她走的路都颇偶像向，除了跟朋友拍K-pop cover，近日更推出写真《日月少女》——“日月”、“少女”，正是名字中“明”字和“妙”字拆开，她说这本是散文写真集，除了在台北拍摄的美照，Miumiu亦首度用文字表达自己，写下自己的日常、演艺经历、心底话等等，也透过文字去治愈自己，“我觉得好赤裸㗎！好似用文字更加……赤裸剖白紧自己嘅内心咁。”

泳衣照被疯传后害羞删相　写真走日系清新路线

一般人对写真的联想都是偏性感，而Miumiu的IG也不时分享一些清凉泳照，尤其曾有一张在台湾的Bikini对镜自拍相，就引起了极大回响，不过记者话未说完，Miumiu已抢先回答：“我del咗喇！我del咗喇！我见大家成日攞出嚟用，我怕丑！（但啲人都留咗底啦）系呀，我见到，好似我每次出啲咩大家都好钟意攞𠮶张相嚟做封面咁样，跟住我就Del咗，虽然我知大家会留底。”Miumiu坦言对外界反应始料不及，本身觉得很多人都会贴泳照，自己只是其中之一，没想到回响这么大。

被前辈鼓励真诚表达自己后　接受瑕疵放弃P图

不过的确，她后来也减少分享泳衣照了，这些照片没错是会吸引到泛流量，但随著她与自己相处时间增多后，她不希望大家纯粹因为这些照片而喜欢自己，“我想大家唔系因为咁样而钟意我，系因为我本身而钟意我，所以我就减少咗po呢啲，想表达多啲真实嘅自己。我自己都post多咗一啲真实嘅生活照，唔再系𠮶啲好靓呀，执到好鬼靓、好精致𠮶种出嚟，反而系一啲自然啲嘅相。”Miumiu坦言，过往的自己可能不够真实，由于太早就被关注，要接收不同评论，渐渐她害怕在镜头面前呈现出不够完美的自己，于是不知不觉戴上了盔甲。

Miumiu曾经很担心说错话会被讨厌，有时可能在IG贴了什么、讲了什么，都会很轻易被截图，试过因为表达得不好就招人话柄，于是她就变得规行矩步、小心翼翼，连Post都不常出了，“可能有啲朋友都话，你做呢一行，点解你Social Media有时update得咁慢嘅？我觉得都系因为我惊咗，所以我就变咗好小心翼翼，全部都筛选过。”尽管贪靓、想在镜头前展现最美一面其实都是人之常情，但Miumiu早前突然改变想法，无论里里外外都想将更真实的自己展现给观众，就连修图都减少了，“前排有啲新闻都话我啲相P到好靓好精致先出，我觉得都系因为我唔想俾人发现我有瑕疵，但系我而家发觉，真实啲都好！人就系有瑕疵，𠮶个瑕疵先系你呀嘛，我我觉得都可以接受一个唔系最完美嘅自己。”

当问到是否曾被指是“照骗”，她说：“其实我觉得差唔多样嘅，但系之前好似有新闻报过，我啲Filter落重咗，有时可能黑眼圈遮得唔够，或者有少少法令纹，我会P走晒啲瑕疵，而家我有时专登保留返啲瑕疵。”至于为何忽然有了这个想法，原来是经圈中前辈提点，有前辈看过她的访问后，觉得她可以更真诚地、放胆地表达真正的自己，“系唔同嘅前辈，唔止一个，或者可能觉得我可以喺IG上面，唔单止展现一个靓靓嘅我，可能发表多一啲我自己真实嘅感受。”Miumiu思考过后，也觉得以前太盲目和刻意地呈现完美的自己，似乎没有意义。而踏出这步去改变后，Miumiu自己也舒服了、放松了，“我觉得做一个Artist嘅话，我希望系展现到自己真实嘅魅力，多过营造出嚟嘅一种人设。”

更多区明妙访问靓相：