黄浩然为马拉松特别去训练　卫诗雅圣诞节终可放几日假

昨日（23日）黄浩然及卫诗雅出席马拉松活动，二人接受传媒访问时表示另一半都会陪伴他们做运动。黄浩然表示自己跑步而太太则急步行：“因为大家嘅速度唔同嘅，小朋友都会一齐嘅，我觉得系几好嘅培养感情方法啦，因为我哋平时都多嘢做啦，咁所以都会趁一啲可以大家一齐做到嘅活动系增进感情。”

但卫诗雅就表示未婚夫不会陪她跑步，但就会教踢足球：“佢教我踢波，咁我之前就冇乜接触过足球，即系自己去踢啦。咁但系佢钟意踢波，所以有阵时系我同佢踢波啊，跟住我又会拎埋个篮球去打啊，同埋游水啰我都钟意一齐游水。”而卫诗雅指自己擅长的运动是游水及滑水，但与未婚夫一起就自己迁就他为主。

二人被问到有否为了今次马拉松而特别去训练一下，黄浩然即表示“有”：“咁难得喺港珠澳大桥嘅行车地方可以跑，我自己其实几个月冇做过运动嘅，咁就操返都专登去做足准备谂住跑个好啲嘅成绩啦，咁话晒今次系呢个活动大使嘅，所以都唔可以太失礼嘅。”卫诗雅则指自己都有“跑”，不过就是“跑谢票”及“跑宣传”：“我嘅准备就系我会录一段好鼓励性嘅短片，录定畀我个仔（黄浩然）啦。”原来是因为之前的一套电影内，黄浩然曾做卫诗雅的儿子。

二人被问到有否预计今次跑出什么成绩？黄浩然就觉得自己比较“贪心”：“我今次贪心少少嘅我想PB嘅，我上次最快都系一个钟头十几分十几秒，今次希望可以肯定一个钟头十几秒。”

被问到圣诞会怎样过时，卫诗雅表示圣诞这几天可以休息：“圣诞呢几日，我哋有个圣诞派对，我同我未婚夫搞咗个圣诞派对，好开心终于可以大家可以坐低食餐饭。”而黄浩然都认为简单与家人吃个饭就好了：“屋企人简单单食餐饭，我太太煮啲嘢食啊，我外母又煮啲嘢食啊，我妈又煮啲嘢食啊。都系屋企啦，出面都好多人，所以大家都系喺屋企静静地过一个温暖嘅圣诞节。”