丝打围炉︱陈海儿自爆曾被偷拍裙底　上前霸气理论︰睇吓咪算啰

“音乐女神”陈海儿早前曾担任《中年好声音3》的评审成为话题人物，她昨晚（20/12）现身网上节目《丝打围炉》与主持人连诗雅和练美娟（娟姐）大谈感情世界，讲到追求伴侣是主动派还是被动派，她直言：“我好似咁多段（感情），全部都系我追求，我系钟意嘅就直接去，等几时?梗系越快越好啦！”

陈海儿进攻型求爱打机追男友

陈海儿忆述与某任男朋友的经历，并表示：“𠮶阵时我哋系网友，打街场（游戏种类）认识，佢打𠮶一场游戏就照顾晒我哋，所以就睇吓佢可唔可以加埋我一齐玩。”她透露与对方结缘，并表示：“𠮶阵时我哋晚晚都会倾偈，之后了解到佢唔系净系打机好劲，打机对我嚟讲都唔算系一件好毒嘅事，对我嚟讲系社交。”她指第一次与对方见面是相约接近四次才成功，并透露聚会只是普通食饭。被问到择偶条件，她直言：“第一要大只（健身）啦，仲有系宅男，要系戴眼镜好IT𠮶一种宅男，好瘦同埋着件恤衫，忧郁书卷型。”

陈海儿冇办法避开男士注目

被问到身材一流，如何避免男士的目光和偷拍，陈海儿表示：“我觉得系避开唔到，因为个问题唔系因为我哋着咩衫，呢个问题系啲男人身上面，当佢哋要偷影裙底或者恶意去影，我知道有啲人会觉得你好靓想影低你俾人睇，我觉得咁样就OK！”连诗雅分享曾经也试过被偷拍的经历，她表示：“我试过俾人影裙底，但𠮶阵时我唔知，好彩对面有个女人真系话俾我听佢喺度影裙底，喺时代广场嘅场电梯发生，我一转身佢就即刻跑。”

陈海儿自爆疑似被偷拍裙底

陈海儿继续指也曾经遭遇相同的经历：“我都试过俾人偷影，好似想影个裙底，但系唔成功，我𠮶日咁啱心情唔好，佢唔好彩，我行过去同佢讲即刻拎个电话出嚟，我知道你影咗我，如果唔俾个电话我就报警，我话点解你要咁做，你觉得你咁做我会有咩感受？佢企喺度听我讲，跟住讲对唔住。”之后她淡定跟对方说：“你睇吓咪算啰！因为要知足，有缘睇到就算啦！仲要影低。”