郑嘉颖早知表弟王贤志申请破产　被问借钱给对方用星爷对白回应

郑嘉颖今日（19日）出席保良局“成长‘良’伴”圣诞树祝福活动，他接受访问表示：“今日主要同啲小朋友亮灯仪式，影吓圣诞树，今年我会做保良局嘅助养儿童大使，呼吁大家去助养儿童。”他继续指小朋友很需要陪伴和支持，以及分享自己一直有助养儿童。

提到老婆陈凯琳较早前接受访问分享要以身作则，尽量减少说英语让儿子学习广东话，他表示：“我个大仔就钟意睇周星驰，但我发觉咗出现咗少少问题，俾啲五岁嘅睇讲嘅词语，我就吓咗一下。因为大仔钟意睇《食神》，佢突然间讲“你碌废柴”，咁佢当然唔明白乜嘢叫做一碌废柴？”他笑言大仔未够胆亲口对他说这一番话，并表示：“所以我就惊系咪继续咁早俾佢睇呢样嘢，广东话我就唔惊嘅，但系太快俾佢学识，呢个字就唔好用住啦！等第日大啲嘅时候佢都会用。”

被问到表弟王贤志（Vinci）上周五(13日)透过律师自行入禀高等法院呈请破产一事，他表示：“我当然知道呢件事啦！但家人嘅嘢就唔方便讲，净系可以讲希望佢可以尽快解决！”有关投资节目花费不少钱，他坦言：“我真系唔清楚，细节上嘅嘢我真系唔知。”讲到是否留意报道才得悉表弟的事件，他直言：“可以咁讲，咁我收到讯息嘅，其他细节我唔讲，边一个send message俾我我唔讲，我俾你哋（传媒）知早少少，但系我都一头雾水，唔多讲。”至于表弟有否曾经提出借钱要求，他表示：“唔讲啦！少林足球好少林足球劲。”提到会否协助表弟生活上的需要，他回应：“真系唔多讲，喺呢个家族里面，我真系可能最smallpotato，都唔会问咁多，所以真系唔多讲。”