刘丹回应被网民指年纪大揸车 指儿子刘恺威建议换车：唔好换
撰文： 张祖铭
出版：更新：
现年80岁刘丹（丹爷）今日出席《爱．回家之开心速递》“迎冬至 贺圣诞”活动，他接受《香港01》 访问表示：“屋企买少少嘢去整圣诞装饰。”他继续指自己不享受吃圣诞大餐，并表示：“出到去要同人哋迫，我唔系信教嘅，所以喺屋企食啲嘢玩吓开心吓就算。”
讲到会否带孙女刘苡馨(小糯米）欣赏圣诞灯饰，他笑言：“但系佢去边度玩，就要交返俾佢老窦负责。”被问到有否收过孙女的圣诞卡，他回应：“我年年都收，学校都教佢哋画圣诞嘅卡，我生日嘅时候佢又话一张卡俾我，呢啲卡我都收过好多。”他透露孙女更窝心写上我爱你的字眼。
提到最近有网民指刘丹年纪大，仍然选择自己驾驶，担心安全的问题，他说：“完全冇问题，我自己揸车知道最紧要头脑清醒，我个仔话想同我换车，我同佢讲唔好换，因为架车我用得好好，所以我想继续用落去，一系就用到架车唔掂，一系就我唔掂，先需要换车。”他透露政府规定每三年要续一次牌，并表示：“要有医生纸证明系可以揸车。”