黎彼得为贺岁片写主题曲一日搞掂　原来同王晶有神秘关系先肯出山

黎彼得（Peter哥）除了曾饰演TVB《爱．回家之开心速递》的豹叔外，更是音乐界中被称“鬼才填词人”的前辈。早年他接受《香港01》专访时，曾称现今乐坛再无人能够“请得郁”他出山写词，但最近他竟然复出写了一首歌！

今日（17/12）HOY TV剧集《我爱九龙城》煞科宴，剧中一众演员陈家乐、岑丽香、敖嘉年、泰臣、姚乐怡、苏韵姿等均有出席，亦包括演出仅三集几场戏戏份的黎彼得。他接受《香港01》访问时仍不改其去幽默鬼马的个性，第一句他就说：“我无处不在㗎啦，除咗TVB就......系啰，哈哈。（即系周围都有人揾你做嘢？）即系人缘几好啦，冇得罪人啦，如果有得罪都走咗啦，哈哈哈。依然健在！”

他透露，《我爱九龙城》剧中饰演“创发潮州菜”的老板。他坦言受监制林建祥而出演：“佢好急先揾我嘅，可能唔知我好似退休咁，祥哥就好客气打嚟。我话：‘系咪坚先？’我以为流㗎嘛，初初我以为骗案电话，原来系祥哥打嚟，咁我免费都做啦。”

问到近况，他就透露：“啱啱忙完叶念琛个贺岁剧，我就唔系拍戏，我只系写个主题曲啫！我十几年都冇写主题曲啦，而家写返就惊生手。我已经讲到明‘我唔知得唔得㗎㖞’。你知啦，王晶𠮶啲师兄弟嚟㗎嘛，佢话：‘揾佢得㗎啦！’叶念琛唔识我㗎，王晶话得就得啦！尤其是佢𠮶套戏，又系讲打麻将。”

黎彼得称呼王晶做“师兄弟”？他解释说，其实当年他和王晶一同在TVB工作，说：“𠮶时197几年，我入TVB，𠮶时佢背住个书包，大家都系《欢乐今宵》都系跟刘天赐，咁咪师兄弟啰，仲有好多人㗎。”

他又透露，原来早年王晶也曾揾黎彼得拍戏拍剧，他说：“有一次佢叫我上横店，我话：‘唔好啦，揾命搏咩？’”笑言天气太冻所以没有答应。黎彼得也透露，这一首歌由尹光唱，无论是主题，主唱都相当之夹。他说：“尹光又系我啲师兄嚟，你唔好以为我认亲认戚呀，因为佢唱新马啲嘢，我又系唱新马啲嘢，大家都系跟祥哥做师傅。”今次“出山”的酬劳有多少？黎彼得笑言：“保持水准啰，人工保持水准，但系作品就唔知啦。大家听过先知。”真是十分谦虚！

说起来，真的不得不写个“服”字，原来他写这首歌只用了一天！他说：“1 DAY！叶念琛话：‘赶呀赶呀！’个个都话赶㗎啦，冇理由会叫慢慢写。𠮶时《Monica》写咗三个月，因为冇人赶呀嘛。（首新歌一日就写完？）行家一出手，其实呢啲打麻将都系咁，都系百搭，你知我喺呢行咁多年，又监制过几部电影，经验丰富啦！”