洪嘉豪《黑玻璃》成YouTube热门影片榜首：上年系MC，我都系跟佢

撰文： 邝钰莹
出版：更新：
洪嘉豪嘅《黑玻璃》成YouTube热门音乐影片第一位，他表示想下次去意大利自肥。（梁碧玲摄）

YouTube 今日公布 “2024 年度十大”，洪嘉豪嘅《黑玻璃》成热门音乐影片第一位，师妹Kir T嘅《至少做一件离谱的事》得第7位。能够力压姜涛、张天赋、张敬轩登上榜首，Kaho接受访问时表示自己唔会觉得系压力，并谓：“可能今年大家嘅欢喜程度系《黑玻璃》呢只歌，以我所知MC上年以《世一》登榜，我都系跟住佢，依家让一让畀我，坦白讲今年乐坛几多歌，庆幸自己都有一只，因为我觉得遇到好歌都需要运气，所以继续努力。”

古巨基老婆主理嘅YT频道“ChillGOOD TV”亦有获奖，古巨基代老婆致谢词。 （梁碧玲摄）
古太只系负责影相。（梁碧玲摄）

Kaho对《黑玻璃》信心十足，亦希望在颁奖礼上获得好成绩，问到准备好战衣未，他反问师妹战衣如何，Kiri 预告会有头盔，但仍在构思如何展现。提议Kaho可与Jeffrey 兄弟装出席，他即谓：“我哋个角色已经兄弟以上。有时我觉得佢喺MV有啲吝啬，佢手臂大大只应该拎出嚟嘛。”Kaho表示有留意网民认为二人为讨论度而做歌，他否认之余亦认为题材如今十分正常，又话希望下年可挑战拍剧或电影。

Kiri T获师兄“温提”有好成绩就要有大利是。（梁碧玲摄）

而提到早前再做“黑司机”，Kaho 指今次衰“懒醒”，他更有一刻以为车头报销。“好在无事，但呢架车都陪咗我好耐，佢都伤痕累累，所以最近买咗一年牌费畀佢，暂时未有换车谂法，因为未有钱。”

Kiri T话下次想挑战空中拍摄。（梁碧玲摄）
洪嘉豪
Kiri T