陈志云指洪心怡恐再难亮相TVB　伍仲衡：唔签TVB都预冇咗呢个曝光

伍仲衡近日被飞出《中年好声音》评判一职，有指是因为他与TVB“抢人才”，签了他们心仪的《校园好声音-唱响中国》大学生歌唱比赛冠军洪心怡，触动高层神经。而伍仲衡昨日（15日）偕洪心怡现身陈志云的网上节目直播，还原双方与洪心怡倾合约的时间线，被问现时与TVB有条刺、会否想想如何与TVB修补关系，他坚称冇当对方敌人，问：“条刺喺我度？”不过陈志云就说：“人哋当你系敌人呀嘛！”

伍仲衡指自己睇《校园好声音-唱响中国》大学生歌唱比赛时，见到洪心怡已觉得：“签得呀呢个！”很快便约对方试音、开直播，觉得自当年见到王菀之后已很多年未见过一个这么合拍的新人，歌路与自己做歌风格好夹，但当年自己经验不足，未够班签艺人，现在与太太拍住上，很希望签艺人，曾怕错过了洪心怡可能要70岁先再遇到另一个有兴趣的潜质新星。伍仲衡指自己有常识，不会无啦啦激嬲TVB，最初是想跟对方寻求合作，一齐培育洪心怡，自己负责做歌、TVB负责做经理人，他说：“我透过太太，不如你同TVB倾吓我哋可唔可以合作，我老婆约埋TVB，九月头有一日系倾过，倾偈之后结论就系再倾，咁我哋咪谂住再倾，但系再倾都有个困难，已经倾唔到，佢哋冇feedback畀我哋，我哋好想同佢合作。”

伍仲衡说：“我同洪心怡有联络， TVB冇keep畀feedback我哋，但系佢send咗合约俾洪心怡。”他指当时节目已过了两个月，觉得TVB如有兴趣，应一早提出与洪心怡签约，而伍仲衡坦言自己知道TVB畀合约洪心怡，内心沉了一沉，不过洪是成年人，他不能干预对方决定，“佢个名改得好好，叫心怡，我都好心仪呢一个歌手。你问我有冇担心， Honestly，我有。（陈：有冇唔开心？）唔开心就冇，因为我好随缘，但系我有担心过， 因为我哋合作唔到，TVB有佢哋方针，点样捧一个人，我有担心。”直至有日洪心怡不再签约TVB，双方才正式倾签约。

陈志云续问，会否担心TVB唔钟意，伍仲衡透露太太有提醒过，最坏情况是他不会再出现在《中年好声音》，然而他认为：“我系一个音乐人，如果我系演员、我系做综艺嘅，我系由头到尾，Zero，由TVB带出嚟嘅，咁我梗系唔会咁样做，因为呢个cost好大，但系我本身主要嘅工作去做音乐，我上TVB综艺只系呢几年叫做行前咗少少，人哋问我职业系咩，我唔会讲我系一个演员，唔会讲我系一个综艺，我系一个音乐人，我系做幕后作曲监制，呢个先系我first priority，如果你畀我拣，我都会拣签心怡。”被问有否想过，心怡不能再亮相TVB，伍仲衡却说：“我谂当心怡决定同TVB唔签嘅时候，无论佢签边间，我谂佢自己唔签TVB，都应该喺TVB曝光嘅机会都冇乜。TVB想签你，你话唔签，你系咪预咗冇咗TVB呢？”

陈志云再问他有没有想过如何修补与TVB的关系，伍仲衡反问：“吓？你呢个问题咁难答嘅？我而家同TVB冇嘢㖞。（陈：唔系嘅，真系有条刺嘅。）条刺喺我度？（陈：条刺喺佢度，你都可能有条刺，但系你比较宽宏大量、比较开心，点样可以掹返条刺出嚟？）不如你畀啲advice我。”他又说：“其实我好主动，佢唔理我哋，我好主动联络，得唔到回复唔通我搲烂块面走上去敲门？”陈志云表示，自己作为第三者，觉得从TVB声明去睇都感觉到几大条刺，劝他“多个朋友好过多个敌人”，伍仲衡回应：“我冇乜敌人。（人哋当你系敌人呀嘛）我控制唔到㖞大师。”