伍仲衡唔戴耳机惹参赛者怒轰　否认要人供奉：听歌靠耳仔唔系耳机

伍仲衡近日被《中年好声音》“炒鱿”，失去评判一职，有指是因为他签了《校园好声音-唱响中国》大学生歌唱比赛冠军洪心怡，事件闹得沸沸扬扬。其后《中年好声音3》海选参赛者李玥颖，在社交平台向当时她参加比赛的其中一位评审发炮，虽然未有指名道姓，但因为她写了是“被炒之人”，就令人联想她指的是伍仲衡。她说：“见到新闻有人被炒，心𥚃百般知味，好似天气一样，有点凉。”

此人说：“今次新闻人物，系我唱完唒成只歌先戴headphone，仍在台上嘅我，忍唔住自己嘅面部表情，“西”咗一下面。喂你冇认真听，你都扮下野吖，咁大个人，唔系输赢嘅问题，而系互相尊重。肥妈的确系呢个节目嘅中轴，不时过嚟后台比鼓励参赛者，亲民、冇架子，好过其他人真系当正自己系要比人供奉，对D 参赛者理所当然，完咗录影之后，一直不是味儿。

伍仲衡昨日（15日）现身陈志云的网上节目直播，陈志云指虽然参赛者冇开名，但他都觉得是讲紧伍仲衡，问对方有何回应，伍仲衡就说：“我听歌靠耳仔，唔系靠headphone！”他说有时见到镜头影住自己，扮吓嘢，觉得几型先戴Headphone，又表示：“（参赛者）好近个台，我哋评审，就喺镜头后少少，佢已经喺度唱紧，二厂有几大？唔使带headphone都听到。我哋做监制，我唔觉得我要靠headphones先至觉得佢唱得好唔好，佢唱得唔好，我唔会戴咗headphone就觉得好好，无可能。”

伍仲衡更笑谓，戴headphone有可能是想塞住耳仔，听不到外界声音，“舒服晒”，甚至是听第二啲歌扮听紧。