ERROR自嘲妖台劣质艺人：负面新闻好快过但我哋好快又有新｜专访

ERROR新歌《野舞士》向80年代经典《跳舞街》致敬，MV揾嚟陈慧娴客串演出，但引来黑粉留言，用词刻薄，陈慧娴大动肝火回复网民，为此，保锜认为这就是明星与谐星之分，前者想做什么都可以，而后者做什么都没有意思，ERROR感谢前辈的同时，亦怕会影响对方，193补充说：“佢唔需要帮我哋讲好说话，因为喺佢page留言都系佢粉丝，佢有机会得失呢位粉丝，但都帮我哋讲说话，呢个都系我哋一直想做嘅嘢。”

访问中，ERROR自称为“妖台四妖”，身为网瘾少年193与保锜甚至连黑粉用咩icon都记得，问到会唔会开小号还击，193笑言：“正评好快覆晒，负评有排覆，我哋话晒都系妖台劣质艺人。” 面对兄弟自封为劣质艺人、失德艺人、垃圾艺人，身为清泉嘅Dee只能自封为“普通艺人”，并解释：“普通系好难维持。”193十分认同，更自嘲：“负面新闻好快过，但我哋好快又有新。”

保锜原来曾为Dee分析过，到底会有什么负面新闻能发生在他身上，结果超爆笑：“佢有问过师傅自己系适合男仔定女仔，师傅同佢讲‘你一定系钟意女仔’，但好明显系呃佢。”访问当日因头痛而一直无咩点出声嘅Dee，解释是因为该算命师傅有留意ERROR嘅新闻，所以才会突然有“ 睇过你条命，你唔会钟意男人”嘅定论，令他自己听完都有一丝的怀疑。

下月将举行而《ERROR “WHAT'S GOING WRONG??》演唱会，Dee自爆曾提议以“Wrong Choice（旺财）”为名但遭无视，他决定留待自己solo时再用。 ERROR过去两个演唱会均围绕对与错，所以最后决定继续错，肥仔加以解释：“其实个名系唔关事，都系想呃人入场睇。”保锜更欢迎大家入场捉错处。为了多元化，193预告今次演唱会有不少小组形式演出，简称“任砌plan”，而这个小组形式，亦是ERROR嘅第一次。

谈及Wrong，肥仔认为自己最错系迫大家跳舞，最终令自己受伤； 193入行至今最错系拍《ERROR大冒险》，事关当初有有MIRROR成员做嘉宾，至今仍被粉镜“追数”余下嘅镜仔嘉宾何时出现；保锜认为最错是强迫自己努力；而Dee认为最错系太物欲、乱买嘢，最好笑系算命师傅曾指他不能有积蓄。

Hair ：Man Chan @CHIC Private I salon、Harris Lai @CHIC Private I salon

Makeup； Cori Wong @Annie G. Chan Makeup Centre、Giann Cheung @Annie G. Chan Makeup Centre

Wardrobe：Y-3, D-mop, Both Paris, Midnight Factory

Stylist： Lok Fong, Stephanie Choy

Styling ：Assistant: Hoi

场地：Partyholic @minipartyofficial