孔德贤获提名视帝自觉冇机：我已经当赢咗㗎啦　自己心水系呢一位

TVB新节目《今晚乜都拗》举行拜神仪式，节目由森美主持，一班嘉宾：吴若希、梁竞徽、丁子朗、戴祖仪、孔德贤、吴幸美、李旻芳等人亦有出席。孔德贤昨日（15日)接受《香港01》访问时透露节目像辩论比赛，亦像他曾主持的节目《后生仔倾吓计》，大家拿论点出来“讨论”。

孔德贤被问到最近在社交平台分享了不少穿厨师服的照片，但他指没有太多人知道他懂得煮东西，而他被问到觉得自己煮得怎么时，他指自己由疫情开始学，后来已经煮得比家人还要好，所以现在对自己厨艺都有信心：“我研究点样去学煮嘢食，咁就开始上网学啦、睇书啦，就系学一啲中式嘅菜。炒菜啊、西式嘢全部都要学嘅，咁到后来煮了几年之后呢，其实都OK，我煮给屋企人吃，我都觉得我煮得比屋企人原本煮的好吃。”

于社交平台上见到他要穿上大厨的服装，那刻会否有压力？孔德贤即表示“都大压力”的：“因为喺𠮶个节目上面，𠮶啲厨师真系米芝莲三星嘅总厨，跟住佢学，著埋件衫，其实都有压力，咁但系我就好希望可以比多啲人知道我识煮嘢食啦。”但原来孔德贤对煮东西都有坚持的，他觉得煮得不好吃，会重复煮到好吃为止。

被问到跟完米芝莲三星总厨学厨艺后，自己进步了几分时，孔德贤则指自己进步了2分：“我觉得一开始系5分嘅啫，即系5分啱啱好叫做OK，即系未去到惊为天人，我觉得而家都有6.5至7分㗎啦。即系学咗少少技巧之后，系将你原本既有嘅嘢呢打破佢，然后就画龙点睛咁样去令到你煮嘢食好食啲啦。”孔德贤说他跟总厨学了“龙脷柳炸鱼骨鱼柳”、“黑松露锅巴流心蛋饭”、“埃塞俄比亚虾仁炒饭”等。至于拍摄节目时有没有“虾碌嘢”时，他笑指有：“我试过炼抛镬嘅时候炒饭，跟住成镬饭抛咗落地下，同埋有试过辣亲，跟住有试过炸嘢嘅时候炸到㶶晒，跟住畀人闹。”孔德贤更指总厨会对他们煮的东西评分，煮得不好吃会直接不吃。

孔德贤今年被提名“最佳男主角”、“男飞跃”及“最佳男主持”三个奖，被问到自己对得奖有没有信心时，他说：“最Surprise嘅就系最佳男主角呢个奖啦，即系上次PressCon嘅时候，同几位视期帝合照，我已经当赢咗㗎啦。所以呢，喺呢个最佳男主角上面，我就志在参与，咁另外其他呢就飞跃进步男艺员，同埋最佳主持，其实我几想喺飞跃进步男艺员𠮶度有机会可以上到台嘅。”

孔德贤原来已经被提名“男飞跃”数次，加上今年首次当男主角，所以他认为“系一个好大嘅突破”，希望能成功夺得“男飞跃”一奖。孔德贤亦希望大家可以留意到他的进步：“咁今年嘅成绩表都几丰富，即系希望可以大家睇到我嘅进步，投我一票啦，即系飞跃进步男艺员呢个奖我就即系好希望可以有机会得到。”

虽然孔德贤在“最佳男主角”一奖上面，觉得有提名就已经“嬴咗”，但被问看好今年哪一位可以夺视帝一奖时，他认有3个心水人选：“我觉得祥哥（黎耀祥）同埋子溢（罗子溢），仲有我觉得振朗（张振朗）都有机会，因为呢三套我都有睇啦，即系祥哥𠮶套跟《巾帼》啦，跟住振朗嘅《反黑英雄》。我觉得振朗《反黑英雄》真系好好睇嘅，真系好钟意佢个角色，同埋佢做到一个好活在𠮶个角色入面，令到人哋好痛心，好抽心！即系我都睇到喊啊，佢同埋子羚（姚子羚）𠮶啲。”作为罗子溢粉丝的他，都觉得罗子溢在《婚后事》中做得很好，所以这些都是他的“心水”。