洪金宝爆当年与午马一齐风流　钱嘉乐：我赶唔切参加

洪金宝昨晚出席《倩女幽魂》特别放映场，谈到午马遗孀马艳感激雪中送炭，洪金宝表示与午马工作多年，自己应该要付出少少：“我锡佢，佢又锡我，喺埋一齐时咩都讲。饮酒、风流咩都做。佢可以由早饮到夜晚。”洪金宝最怀念是午马为人，更自爆当年在尖沙咀夜店玩乐时，遭酒客不礼貌对待，午马之后在场外等待对方，指骂对方。“佢为我出头，但又打得，我企后面睇佢要唔要帮手。佢系咪最有义气我唔知，但佢真系有义气。我同佢由邵氏开始已经识，好多嘢都帮我好多。”洪金宝又大赞午马有酒胆有酒量兼且有酒品，仲话“佢酒品同我人品一样”。

钱嘉乐、钱小豪亦难忘午马当年十分照顾自己，又指午马十分温柔，但问到有无份“风流”时，钱嘉乐即话“赶唔切参加”，又话当年比较多在尖东某酒店开会。钱小豪当年在《僵尸先生》合作，问到如今仲有无打算再拍，他指题材会受地区限制，但如果有投资者感兴趣，自己都想拍《僵尸伯伯》。