方力申任《声生不息》主持 笑言能歌能讲：但系我唔识做主持呢！
撰文： 林迅景
出版：更新：
方力申今日（15/12）出席林夏薇的珠宝店开幕活动，他接受《香港01》访问时表示，羡慕林夏薇可以兼顾演艺事业，又同时是一个女强人开舖做生意。他说：“我净系教游水都好辛苦，所以唔容易。”
他透露，踏入冬天大概少了五分一的学生，说：“有生意反而唔忙，因为有收入。冇生意先忙，要谂办法点样多啲生意，所以我最近都有拍片话畀大家知，冬天都可以学游水，因为有暖水池。而家开始冻，一月份开学又仲少人，所以而家要做更多嘅嘢。而家少咗五分一，嚟紧又可能再少四分一。”他表示，其实游水要持之以恒训练，才不会生疏。
有观众睇完是次方力申在《声生不息‧大湾区季》的表演后，直言粉红色西装令人尴尬。方力申就解释说，这一件西装是早年为音乐会而度身订造的，刚巧今次主题是“樱花”所以就穿了这一套西装上阵。
早前方力申成为《声生不息‧大湾区季》的主持，他自言不明白为什么会邀请他，笑言：“佢哋访问我嘅时候，问我做主持有咩感受。我话你哋节目组揾我真系大胆，因为佢哋话睇咗奥运，话睇我访问几分钟嘅片段，就觉得我‘普通话都唔错，又做过歌手，又系讲紧广东歌，上面咁多朋友你又识，所以就揾你啰。’但系我唔识做主持呢！所以我觉得我上去，系演紧一个主持，但系系好玩嘅。”