林夏薇珠宝店开张超低胸现身宴客　群星撑场林峰夫妻系VIP客仔

林夏薇的珠宝专门店Flourishan今日（15/12）开张，开幕活动邀请了林峰和太太张馨月、谭俊彦夫妇、陈山聪、陈展鹏和太太单文柔、洪永城、赵希洛、马志威、招浩明等等一众艺人撑场，群星拱照！

林迅景 摄

林夏薇接受《香港01》访问时，直言为实体店开张而感到开心：“好开心有咁多朋友专登嚟支持撑场，好感动。有啲系喺外国飞返嚟，就系马志威先生，我以为佢赶唔切，阿峰（林峰）又系专登抽时间过嚟。展鹏同埋太太，佢哋都系一对对嚟，好开心。”

谈到开店的理念，她透露源自于一个“爱的故事”。她说：“大家都知道，钻石系代表永恒同爱，因为细个钟意钻石，会偷偷哋攞妈咪嘅钻石嚟玩。细个终于赚钱啦，送畀妈咪第一份礼物就系钻石，大家都知道个价钱，所以我要储好耐先送到第二份礼物。（储咗几耐钱？）好耐！储完𠮶粒钻石之后，我永远都好记得我阿妈𠮶种感动，开心嘅笑容。储第二粒又要储好耐，所以我就喺消费者角度去谂，点样令到大家都开心价买到，去表达呢份爱。”

林夏薇又坦言，原来未开实体店前，林峰已经是她的忠实粉丝。“好多谢阿峰，（未开店前）佢已经系我头10位，我阿哥阿嫂已经做咗我嘅10大嘅VIP客户。”