林雪对电影仍有憧憬唔愿转行 戏院相继执笠好感慨：好多戏搁置
撰文： 张祖铭
出版：更新：
林雪本月中（13日）现身电影人梁子贤有份投资的“老二餐厅”开幕活动，他在接受《香港01》 访问时表示：“我想投资，但系已经迟咗啦！祝舖头一帆风顺，客似云来，得闲会多啲同啲客人落嚟倾偈。”
否认转行做司机
讲到是否转行做司机，他坦言：“转行做乜都得，但我唔想转行，对于电影系有憧憬，做司机系做一日半日帮人搞笑，我嘅职业一世都系演员，我钟意演戏演角色，我唔会转做司机，会坚持做电影，坚持做演员，但系我唔坚持做明星，我唔系明星，我系电影工作者。”提到过去是否已经考到的士牌，他表示：“我乜嘢牌都冇！”
自爆曾遇搁置停拍
提及最近荷里活戏院宣布暂停营业，他回应：“呢个世界嘅嘢大家都好难去讲，可惜又好，惋惜又好，可能执咗笠去做第二样嘢，知道我哋电影行业咁蓬勃，蓬勃到啲电影院都冇晒，我希望我哋可以拍多啲戏，等多啲戏可以上，起码唔好蚀先，希望明天会更好！”提到是否有电影搁置停拍的一事，他表示：“我有好多都搁置咗，但系冇办法，但有时都冇办法，而家啲经济咁好，大家都攞啲钱去做第二样嘢，唔讲呢啲啦都系，本来谂住投资电影但系都开咗餐厅。”