香港学日本街道禁烟好唔好？　黄心颖：民生问题更急切解决

患有严重鼻敏感的笔者每次嗅到烟味都必然发作，有时在街上遇到前面有人食烟，顿时会变了百米跑手，跑到更前的路上避开二手烟，刚好近日网上有人倡议香港效法日本街道禁烟，《香港01》致电黄心颖问到其睇法，她表示一般遇到别人在街上食烟，都会行开少少：“我觉得有时太多限制喇，冇话太介意，唔想吸咪行远啲，费事大家唔开心，当然唔使吸到会更好。”

心颖又坦言禁烟不是香港首要解决的事：“例如楼价好贵更加急切，其他民生问题会重要啲，系需要上的问题。”谈到菲律宾总统杜特尔特最近推动禁烟令，违法吸烟除了罚款，更有机会坐监，心颖就话：“每个国家都唔同，好似新加坡都唔畀食香口胶，但如果个个国家都一样，我点解要住喺香港呢？”

而在外国长大的朱千雪就话因为自己不是烟民，所以不清楚香港有关吸烟的条例：“不过我记得细𠮶时香港啲餐厅分咗吸烟区同非吸烟区，依家系全部都唔畀㗎嘛，都系个好开始嚟。”千雪亦认为一般人觉得吸烟和健康有关，但有的烟民会觉得这只是一个习惯，不应批评别的人习惯：“但如果拣男朋友，我都想拣个唔食烟嘅，因为我都唔食，朋友或者同事就冇咩所谓。”

而早前被人影到拎住电子烟吞云吐雾的何雁诗（Stephanie）就话：“市区街上禁烟都OK嘅，都系好事嚟嘅，因为市区人口密集好易烟亲人哋，唔系个个都想成头烟㗎嘛！”Stephanie更表示绝对不会再在公众地方食电子烟，看来她也是一个自律的烟民。