林明祯缺席首映礼被封“大话祯” 张继聪：同佢合作睇到佢好专业
撰文： 吴子生
出版：更新：
张继聪和蔡卓妍（阿Sa)今晚（11/12）现身尖沙咀出席贺岁片慰劳宴。对于林明祯日前放飞机缺席首映礼，被封“大话祯”，张继聪接受《香港01》访问时表示：“其实我试过同佢拍戏有次为电影宣传嘅时候，佢系病到吊盐水，佢喺医院都要即刻过嚟继续宣传，𠮶次见到佢又疴又呕，都几阴功。就算几辛苦佢都系继续笑面迎人，都好俾心机去做。咁所以今次嘅事，我就唔可以评论，但我同佢合作嘅时候，我系睇到佢好专业。”
对于林明祯前途是否一铺清袋？张继聪表示：“其实我就觉得，我哋入咗行咁耐，无论你点俾心机去做嘢，但你永远都控制唔到一啲嘅新闻嘅走向系去负面或正面，变咗呢一行系要靠长时间去累积。谂起当年嘅自己，都会有唔好嘅新闻，咁唯有再俾心机去继续做好自己。”阿Sa接著说：“其实我就觉得冇嘢，只要你下一部作品出嚟，做得好好，啲人就会唔记得。”