Beanies为可以Shopping准备交换礼物 张进翘想试吓快闪音乐表演
昨日（8日）杏花邨一商场邀请到人气唱作女团Beanies及《全民造星3》唱作歌手张进翘（Manson）出席活动，除了与现场观众大玩游戏挑战计时任务，更即唱献唱多首歌曲送给大家，炒热现场气氛！Beanies成员一进入现场立即引来一片欢呼声！她们友善地与观众挥手，相当亲和！Beanies今日状态极佳，精彩演绎代表名作《最佳女团友》及今年新歌《小气簿》，更笑指近来一起频频运动Keep Fit：“就嚟圣诞节，已经约咗好多日圣诞Party，我哋好怕食太多变肥，所以Keep住做gym，而平时当然都要恒常做运动啦，随时随地都可以用最好嘅姿态同大家见面。”
而Jaime则兴奋地一马当先表示很期待今年圣诞节：“今年想过一个落雪嘅圣诞，嚟到呢度就觉得好有feel！呢度有得睇飘雪，唔驶去外国都可以度过白色圣诞。”她们更开心笑称将会一起举办圣诞派对，大谈购物计划成为Shopping达人，完美演绎《最佳女团友》的歌词，变身购物狂：“就嚟开圣诞Party，我哋5个准备交换礼物，啱啱经过见到杏花新城有好多运动outlets，心思思想喺度拣礼物，得体之余又实用，唔会失礼大家。”
Beanies 近两年歌坛成绩不俗，凭其精致的外貌和充满活力的形象收获大量粉丝，早前曾于叱咤乐坛流行榜颁奖典礼及CHILL CLUB 颁奖礼勇夺奖项，提及此事她们都雀跃万分：“如果再有机会攞奖就系最好嘅圣诞同新年礼物。”
上月刚於伦敦教堂举办演唱会的张进翘Manson亦心情大好，一抵达现场便跑至华丽圣诞树屋打卡，更演唱新歌《浪》、《那让我们一起》，以其空灵歌声为大家注入力量！他表示最近继续默默埋首创作新歌，需要大量灵感：“创作嘅过程其实好幸福，例如见到呢度嘅圣诞树屋，我就开始幻想一个好轻盈、有好多树屋精灵嘅世界。有机会都想创作一首充满童话感觉嘅歌。”提及上个月伦敦举办的演唱会，他表示相当感动：“啱啱喺英国举办完个人演唱会圆梦，真系获益良多。呢个系我入行之后嘅第三个音乐会，外国好流行快闪嘅表演，我喺街头欣赏咗好多惊人嘅演出！港铁商场好多时举办音乐活动，支持香港本地艺术家同歌手。如果有机会，我都希望喺香港试吓快闪音乐表演！”
被问及来年计划，Manson相当期待：“当然系希望作多啲新歌，同埋都想再开个人音乐会，睇吓到时忙唔忙啦！”最近Manson亦表示频频跑步：“有时好大压力，跑步可以放松自己又可以健康啲，就好似今日喺杏花新城咁玩游戏其实系一件好开心嘅事，迟啲有机会直接约大家喺呢到做运动！”