异空感应｜机缘巧合下演“金城武替身”　张翼东入行即完成梦想？

TVB剧集《异空感应》播至第11集，剧中饰演“陈家乐儿时好友”的张翼东，原来已经入行7年了。很多艺人“做TVB”为的就是完成梦想，成为一个家传户晓的演员。问起张翼东的梦想，原来跟其他人也差不多，他接受《香港01》访问时说：“想出到街有人认得我系张翼东。”

他坦言，想做演员源于中学时期参加戏剧社。他说：“中学入咗戏剧社，中一上礼堂表演，发现好好玩。原来我做戏系有人睇有人赞，当时我谂，我做戏可能有少少天份，我谂当时做戏就系我自信来源。”经过了中学参加戏剧社，之后他就顺利升读大学修读生物科技至毕业，但毕业后他就只将“做戏”埋在心中，后来更做了做空中服务员（空少），直到一次与机上的前辈交流后，才决定拾回儿时的梦想。

他说：“有一次飞长途机，阿姐同我倾偈。佢话做空少未必可以做得长，应该趁后生体验多啲生活，因为一但年龄大咗，追梦成本就会大咗，有家庭，体力又冇咁好，到时再落返地就未必适应到。𠮶次之后，我谂咗好耐就决定去读演艺。”他表示，做了大半年空少后就决定离开去读演艺，三年后毕业就开始了舞台工作，更顺利获得与梁祖尧、张敬轩等人合作的机会。

他在2017年加入TVB签约普通艺员合约，原来他也曾于早年出演电影《风林火山》。他说：“𠮶时有个朋友佢识得副导演。𠮶时佢哋想揾个长头发男仔做金城武文戏替身，即系wide shot𠮶时。好好彩地，后尾佢哋又畀咗个角色我，可以同金城武对戏。虽然都只系几分钟，但系已经好够。场戏讲我要俾佢掌掴，我记得最后拍咗好多个take，拍完之后佢走嚟关心我，问：‘有冇事？’我就答佢：‘我一直都好希望同你合作，就算系俾你打都系一个做演员嘅荣幸。’𠮶时佢就话：‘荣你个头。’跟住佢就揽住我。呢件事真系毕生难忘！”

不说不知，原来这位“金城武替身”张翼东已经加入了TVB整整7年，谈起在TVB工作的时光，他坦言收入虽然不算多，但总算有发挥演技的平台。他说：“辛苦就冇，因为我出面仲会拍广告，电影，拍电视就唔同啲，因为要学识就镜头，走位同埋睇灯位。我唔系艺员训练班出身而系读演艺，反而演员同事会钟意揾我研究戏。好多前辈好nice，好似胡渭康咁，一齐做完嘢会揾埋我食饭，佢仲好照顾我呢啲后辈。”

异空感应｜“陈家乐儿时好友”张翼东力撑伍仲衡人品好：好感激佢

怎样解决收入问题？其实他除了幕前工作还有兼职。他说：“我谂呢行好多演员都系要做兼职，除非系富家子弟啦。”除了帮伍仲衡拍片剪片，他亦有兼职教做戏。他说：“以前教小学，而家有教Lolly Talk，收入几好，冇待薄㗎。”