IT狗2.0｜Stanley羡慕姜涛与NBA巨星同场　Lokman 满意中分发型

撰文： 邝钰莹
出版：更新：
《IT狗 2.0》今日开镜，预计拍到一月中。（陈顺祯摄）

MakerVille新剧《IT狗2.0》今日举行开镜拜神，相隔3年开拍续集，“星之子Tony”亦即系Lokman就话既怀念又好嘈，排戏时不时变成小剧场，又投诉岑珈其不时“放蟹”。Lokman今日以中分发型出现，他表示一开始都唔多习惯，但愈睇愈上瘾。“前几年GD都系咁，向佢致敬。”为怕剧透，饰演Never嘅陈瑞辉同Marcus嘅大表哥都十分口密 ，讲到Marcus上一季被防狼器电晕，生死未卜，大表哥就话“仲在生”。

Lokman好满意呢个中分界发型。（陈顺祯摄）
一见到Never呢个造型，Frankie都话“就知佢无咩改变”。（陈顺祯摄）

“夜粥组”日前推出新歌《FING!》，比原定计划略迟，Lokman解释系因为想做得更好：“唔想赢时间但输质素”，而为宣传新歌而开设嘅WhatsApp群组火速爆满，Lokman透露将在群组发放排舞、幕后花絮，以“彩蛋”陪大家食夜粥。

Stanley 早前转发同柯震东合照，他十分保守表示“迟啲工作上会有合作”。（陈顺祯摄）

讲到姜涛日前澳门参加“NBA传奇名人赛事”表现出色，大表哥表示十分羡慕，原因同场嘅球星真系“细细个就睇”，又话：“Tony Parker传球甲佢，都好开心，叻仔，拎咁多分，好心佢903打好啲，原来留力。（你开剧所以无去？）撞咗期，同埋见到佢有得落场，自己无得落场会唔开心，所以唔去。”

MIRROR 月中将与泰国歌手合作开骚，已开剧嘅Lokman笑言唔会影响，仲话因为凌文龙先系主角。（陈顺祯摄）