谭耀文相隔多年返TVB表演　获薛家燕邀跳唱：好耐冇做最擅长嘅嘢

谭耀文（阿谭）近期在深圳为剧集《正义女神》日夜赶工，但亦不忘回港为《欢乐满东华》演出，虽然要24小时内来回深圳和香港，他也觉得值得。

阿谭表示：“之前推出新歌𠮶阵时，接受家燕姐访问，大家讲过话有机会可以合作就好，谂唔到隔咗冇耐之后，就收到家燕姐邀请我做东华嘉宾，仲话想同我做一Part劲歌热舞，当时一听到就即时答应，虽然之后要返深圳赶剧，但系为善事岀力辛苦啲都系值得。”

阿谭又说：“事隔多年再返回TVB表演，心情特别紧张又兴奋，返到去仲见到好多熟悉嘅面孔，感觉份外亲切，今次除咗唱歌仲要跳舞，所以喺拍剧途中都来来回回返香港去排舞，虽然好耐冇又唱又跳，不过可以做返自己最擅长嘅跳唱，又有一种好熟悉嘅感觉。其实喺演出之前因为赶剧嘅关系，有啲唔系好舒服，好彩都冇影响正式演出时嘅水准，现场见到啲观众反应，就知道冇白费功夫。”

昨晚《东华》演出之后，阿谭马上坐车回深圳继续为剧集拍摄，除了电影和电视剧之外，音乐上都是他在2025年的目标，希望可以在新一年用音乐去回馈追随自己多年的乐迷。