冼靖峰拣丁子朗陪唱歌因为肯陪佢癫　“打情骂俏”感情更胜亲兄弟

撰文： 胡凯欣
出版：更新：

TVB昨日（7日）举行慈善节目《欢乐满东华》，冼靖峰于节目中很多部分都会出现，每隔一会就在电视上见到他，他有一部分要选择跟一位艺人合唱，他接受《香港01》访问时表示二话不说就选了好友丁子朗一起合唱。

冼靖峰要选择跟一位艺人合唱，他二话不说就选了好友丁子朗一起合唱。(梁碧玲 摄)

丁子朗透露自己很紧张：“佢一齐唱歌嘅时候预埋我咁样，所以就好似有啲紧张啊首歌。”而冼靖峰就觉得是一个很大的挑战来：“因为今次其实我哋有个item就系歌手同一个唔系唱开歌嘅人一齐唱歌。”所以冼靖峰就选了丁子朗一起合唱：“佢唔系唱开歌，但系佢唱到歌同佢唱得好！”

丁子朗透露自己很紧张。(梁碧玲 摄)

冼靖峰被问是否特地选择丁子朗，他即表示“系”，相信是因为二人感情深厚，加上冼靖峰指丁子朗“肯陪佢癫”。虽然唱歌的人是冼靖峰选，但唱的歌就是丁子朗选，二人合唱《发现号》，丁子朗解释道：“因为呢首歌系讲我哋要去挑战一啲新嘅嘢啦，好有勇气咁样做啦，咁就好啱冼靖峰最近首新歌啦。咁我就觉得好啱呢个theme 继续走落去，咁既然系朋友拣得我，我都要支持返佢，帮佢打下歌咁样。”

二人感情深厚，加上冼靖峰指丁子朗“肯陪佢癫”。(梁碧玲 摄)

冼靖峰听到好友这样落力帮他打歌，立即笑成花一样：“多谢你，真系好叻啊！”但被问为什么不直接问《勇气》时，丁子朗就指这歌太高难度：“费事唱衰佢首歌啦。”其实冼靖峰是因为会solo唱自己的歌，所以就选了另外一首跟丁子朗合唱。

冼靖峰听到好友这样落力帮他打歌，立即笑成花一样。(梁碧玲 摄)

冼靖峰开始时又唱又跳，更要“数白榄”，被问到练了多久时，他表示只练了一星期左右：“十二月一二号𠮶啲位开始就要rehearsal，咁都真系几辛苦，因为我真系学得比人慢。如果真系要跳舞，因为我拍住𠮶啲系Yumi、Hugo，大细hugo呢啲全部都系跳得好劲，好快就上手好劲。我系真系学得比佢哋慢啊，但系就系用时间去瞓少啲。”

冼靖峰开始时又唱又跳。(梁碧玲 摄)

丁子朗都说冼靖峰很勤力训练：“因为每次问佢嘅时候都话，我练紧嘢，练紧嘢。又练紧嘢？你有冇咁多嘢练？跟住佢就话，真系！因为又要跳舞啦，又唱歌啦，又要opening，closing又要。”冼靖峰虽然超级繁忙，但他却是开心的。

丁子朗都说冼靖峰很勤力训练，因为每次找他，他都是说在练东西。(梁碧玲 摄)

冼靖峰被问到对“数白榄”掌握得如何，但他就觉得应该交由观众去衡量掌握得好不好：“其实我一路数白榄呢一路打咗个掌板。数白榄呢，你个flow一断就失败咗㗎啦，所以一定要个脑打醒十二分精神！”但冼靖峰就自爆其实自己数错了，但没有人发现。

冼靖峰就自爆其实自己数错了，但没有人发现。(梁碧玲 摄)

丁子朗平时于这些慈善节目中通常都是做司仪为主，今次要用歌手身份上台表演，被问到感觉如何时，他直言“好紧张”：“即系平时做mc嘅时候呢，系睇住啲歌手rehearsal，跷跷脚咁样望住佢哋，睇下佢哋点先。跟住今次调翻转，要喺度唱歌畀人judge，所以有少少紧张嘅。咁但系好彩，真系今次不系自己一个唱，系两个人唱咁。所以两个人唱嘅时候佢话可以跟同我讲，有咩事放心啦，我会兜住你！有咩事，一定会喺度㗎！唔会有事㗎，有佢喺度嘅话，其实个心定得好多嘅。咁但系始终都系真系未试过喺一厂原声入live咁样去唱歌，咁所以系对我嚟讲有啲挑战，因为一厂把声系比较压缩啲嘅枝咪入到去。”

丁子朗直言要唱歌好紧张，平时做司仪“跷跷脚”。(梁碧玲 摄)

经验老到的冼靖峰立即表示同意：“有少少暇疵都好觉㗎！”而有什么经验传授给丁子朗时：“经验就系淡定，relax，enjoy the stage，同自己讲当下嘅station就系你自己嘅，即系你唔洗谂咁多，佢要练嘅已经练晒。”

冼靖峰经验老到。(梁碧玲 摄)

丁子朗在现身TVB前原来去了看篮球比赛，他表示当时很兴奋，有大叫，但就被警告不要“叫伤把声”，冼靖峰即流露着羡慕的表情，丁子朗就“大哥哥”上身哄他：“下次带埋你啦！你要跳舞啊嘛！”

冼靖峰即流露着羡慕的表情，丁子朗就“大哥哥”上身哄他。(梁碧玲 摄)