欢乐满东华｜黄奕斌大赞呢位拍档唱歌好听　黄星绰跳绳跳到好挫败

慈善节目《欢乐满东华》昨日（7日）于TVB举行，黄奕斌及黄星绰接受《香港01》访问时各自透露自己有多个项目表演，而一身运动服的黄星绰更表示自己有4个items。

黄星绰在很多环节都有出现，被问是否很重要时，他立即解释并不是：“我唔会话自己好重要啦，但系我就觉得系喺我嘅能力范围内可以处理到咁多part，又有呢个机会咧，我就其实好开心㗎啦。”第一part他就要表演跳绳，一直有跳开舞的他表示跳绳跟跳舞是两回事：“因为平时我跳hip pop比较多啦，好多时都讲grounded，咁真系要黐个地下，好多时都系要拍子嘅正拍咧，都系黐喺地下嘅。但今次呢系调转，我静态嘅时候就要跳，咁就系完全个动力系调转嘅。 我一开始跳呢其实好挫败嘅，亦都系觉得好似又不识跳舞又不识跳绳咁样，跟住从零开始再练过。”

黄奕斌更要向高难度挑战，在过千度的高温下表演火关刀及火弧，认真看到都觉得“牙烟”，之后亦会演绎自己的新歌《LIT》。但黄奕斌就有点担心，因为他今次是第一次在没有dancer的情况下唱跳此歌：“第一次冇dancer同我一齐去跳呢首歌，我可能自己要撑住个台，咁我自己系有改少少step嘅。”

黄奕斌表示自己最后要跟庄子璇合唱《分分钟需要你》，但他竟然觉得庄子璇唱得比自己还要好听：“我觉得佢𠮶首歌唱得比我好听！佢好适合唱呢首歌。因为我哋系降咗个key嘅，咁咁啱降完key之后呢，其实系好fit佢把声嘅。”而黄奕斌还给庄子璇10分之高：“因为我觉得一首歌最紧要系fit𠮶首歌，所以我觉得佢系好夹，同埋佢同我把声都几夹。”

至于被问到有关伍仲衡“被炒”一事，二人都表示没有留意：“我哋呢排日日都系匿喺排，日日都系往返屋企同公司。”黄奕斌表示前几天一直都在练习火的那部分：“佢系你会直头feel到𠮶个燃油喺隔篱的落嚟，所以都真系好惊，咁我就都中间仲有很多时间排练，所以可能𠮶一排冇留意到新闻。”而自己与伍仲衡亦很久没有联络。