钟柔美被指取代炎明熹登上《声生不息》：希望大家唔好咁谂

慈善节目《欢乐满东华》昨日（7日）于TVB举行，钟柔美（Yumi ）在活动上又唱又跳，大晒青春活力。Yumi 接受《香港01》访问时被问到近日出现于《声生不息》舞台，回应是否取代好友炎明熹一事。

Yumi 对登上《声生不息》舞台感到很神奇：“我觉我到依家都估唔到自己会上咗一个咁大嘅舞台，同埋都系我第一次上内地嘅一个节目嚟嘅。咁我都好开心，同埋好多谢公司畀呢个机会我先啦。（觉唔觉得系一个肯定？）咁我觉得即系自己都都不断进步紧，同埋不断有好多唔同机会去畀我慢慢去发掘自己嘅，所以我都会同自己讲，即系无论参加咗啲咩都系不断地增值自己。”

Yumi 兴奋到分享自己在《声生不息》舞台的开心事，因为遇上了自己的偶像：“我偶像系容祖儿！（有冇倾偈？）有啊有啊有倾偈，超级开心啊。𠮶阵时其实好惊嘅，因为我要同佢哋一齐坐睇住舞台上嘅表演啦。咁当然气氛都好好啦，大家都系非常之专业，我即系一个小妹妹，我都学到好多好多嘢，同埋我同容祖儿前辈影咗一张合照。”即使Yumi已经回港数天，但她仍难忘与偶像同台演出，兴奋得像孩子一样。但因为自己太紧张，所以就没有借机向容祖儿“偷师”。

被问到取代炎明熹登上《声生不息》时，Yumi 则“希望大家唔好咁谂”：“因为我都唔想因为咁样而令到我同佢嘅关系差！所以其实我觉得即系公司畀呢个机会我咁都系公司嘅安排，我都系跟住去做啦，咁都系一个好难得嘅机会，咁我就冇点样去谂呢样嘢，咁就希望即系大家都可以一齐进步啦。”Yumi 唔想大家觉得是她取代了炎明熹，因为都是公司的安排。

至于自己登上了《声生不息》舞台，Yumi 表示还未跟炎明熹分享，因为自己很忙，要上学及准备考试，加上还在兴奋的心情当中：“多谢大家咁留意啦，咁我都会继续努力。”

Yumi 被问到有没有留意到伍仲衡“被炒”一事，她指上一次见他已经是跟他及冼靖峰吃生日饭：“𠮶阵时都系倾下最近近况啊，因为我同伍sir都冇真真正正地坐埋一台食饭，所以都系庆祝佢嘅生日同埋佢老婆嘅生日。”Yumi 表示有听过他近况但就没有多问。