TVB甘草合体庆苏恩磁70大寿　“御用阿妈”揭连环遭TVB不礼貌对待

人称“苏Auntie”的苏恩磁近年凭处境剧《爱·回家之开心速递》成功入屋，她把龙家二太太“佘秀琴”演绎得入型入格，成为家传户晓的角色。日前，黎彼得、卢宛茵等齐齐为苏恩磁庆祝70岁生日，几位感情要好！

现年71岁的Madam Lo卢宛茵，早前在YouTube 节目大爆在TVB拍摄新剧《非份之罪》时被导演连番针对，不堪精神受虐，与家人商量后决定同监制王心慰投诉，事件最终得到解决，但她至今仍未接其他TVB剧，反而日前现身大埔出席电影《一个部门的诞生》开镜拜神仪式。被问到投诉事件后，有否影响工作量？Madam Lo接受《香港01》访问时表示：“都好耐冇剧拍，但我就觉得咁，我又唔系要去𢱑你做嘢，我唔系呢啲咁嘅人，你揾我做，我就做。你唔揾，我都成年冇返TVB。（会唔会就系呢件事？）我唔理，我试过几年前有一次，我上去之前合作过嘅监制房打招呼，我唔开名。我入到去好礼貌同佢问好，点知你估个监制讲咩？佢就话‘点呀？唔够骚呀？入嚟想𢱑捞？’我𠮶刻真系呆咗，我心谂我只系想入嚟同你打过招呼，使唔使咁讲嘢，于是我就即刻行返出去，我系估唔到佢竟然会讲呢啲咁嘅说话，令我好反感，所以你有嘢拍就揾，冇嘢拍我咪凑孙，到我呢个岁数，我都冇包袱，做人最紧要开心。”

而黎彼得最近就忙于拍摄HOY TV首部原创剧《我爱九龙城》，他说：“因为（开电视新剧）𠮶边嘅团队同我好好感情，又有合作过《爱．回家》，你(TVB)唔要我呀！我大把地方可以去，开电视又好欢迎我，此地不留人自有留人处。”讲到新剧开工时数的问题，他说：“而家都短咗好多，好似我条命咁，都系每日拍12个钟，拍全部外景就一组，但TVB就唔同啦!算啦，唔好再讲呢个电视台。”