TVB上位小花孖妹妹拍美胸广告　挨足12年终入围“飞跃进步奖”

入行12年的赵璧渝（Osanna）今年凭剧集《逆天奇案2》饰演“妹头”及 《法证先锋VI:幸存者的救赎》中饰演的网红“凌诗蕙”获得好评，由寂寂无名的人物，一步一步入屋成为一位“演员”，除成功提名本年度《万千星辉颁奖典礼》“飞跃进步女艺员”奖项外，亦获续约担任美胸代言人；早前她更与曾参选港姐的妹妹赵颖琪，冲出香港拍摄美胸广告，齐骚丰盈身材，寓工作于娱乐。

首次跟妹妹合作，Osanna直言虽然兴奋但压力比自己一个开工更大：“同阿妹开工，本身谂住当去旅行去玩咁，但原来会好紧张，因为责任感大咗，始终家姐带住阿妹，会想特别take care佢，不过其实阿妹面对镜头都冇唔习惯，始终选过港姐，有晒经验。另外一齐开工嘅好处系大家互相鞭策，一齐on diet keep fit同做gym。”

有份争奖成就解锁

对于有份角逐本年度《万千星辉颁奖典礼》“飞跃进步女艺员”，Osanna扬言如能入围10强，有资格出席颁奖典礼已经梦想成真，同时也能对妈妈有个交代，她表示：“可以提名已经好开心，自己读训练班嘅时候，边会谂到可以出席颁奖礼记者会，感觉好似成就解锁；今年有3套剧出街，令大家睇到我唔同角色嘅演绎，希望可以得到观众嘅肯定，亦都对妈咪有一个交代，佢见到我近年有发挥角色，佢都好开心好安慰，亦会将我嘅报道剪低储起。”

跟宣萱拍剧获益大

入行12年，由冇对白到现在遇上好角色，Osanna非常感恩，她指：“有次喺日本，有个香港人竟然认得我，叫得出我全名，真系好开心。”在重头剧《巨塔之后》，Osanna饰演宣萱徒弟，二人有不少对手戏，Osanna表示能跟宣萱合作令她开心得几天睡不著：“宣萱系一个非常好嘅前辈，超nice超专业，除咗演戏，仲会同我哋分享好多想法，佢仲畀咗好多鼓励我，喺佢身上学到好多嘢，系呢次拍剧嘅意外收获。”