方皓玟任楼盘代言一笔过买楼　考虑再置业投资：攞嚟收租都好

方皓玟今日（5日）出席楼盘发布会，她接受《香港01》 访问表示：“𠮶日我同谢君豪喺8号风球嘅天气底下拍宣传片，我𠮶日着住高踭鞋喺度拍摄，个地下好滑好跣，我觉得谢君豪好gentlemen，我记得有一幕系喺斜路度，佢当时即刻扶我，深情对望咗一下，拍宣传片𠮶阵时候气场都好劲，都学咗好多嘢。”

方皓玟有戏瘾恨拍戏

讲到谢君豪表示曾经欣赏过方皓玟舞台剧演出，她表示：“𠮶阵时都好耐啦！我好希望可以同谢君豪一齐做舞台剧，我知道佢而家开始又要彩排舞台剧，希望下次可以预埋我。”被问到与谢君豪合作拍片，是否勾起戏瘾恨拍戏，她坦言：“都有嘅开始想做返戏，而家多咗自己嘅时间，都想多元化发展，都想去外地𠮶度拍戏顺便探吓朋友，开演唱会同埋做多啲唔同类型嘅音乐，啱啱就派咗首新歌《提前分手》。”

被问到会否希望出席乐坛颁奖典礼，她直言：“我而家好随心，家庭都放得比较重，我会宁愿去食饭家庭聚会，但系有时间都会参与，不过奖项就睇得好轻。”她强调现阶段希望做好音乐报答歌迷。她透露儿子现时已经升小学就读国际学校，课业方面不算繁忙。

方皓玟自爆买楼一笔过找数

提到明年会否举行巡回演唱会，她说：“2025年都会周围出埠去表演，香港每一个表演场地其实我都想唱，而家香港嘅骚好多，但系只要同到自己嘅粉丝接触我就觉得好开心嘅事。”至于今天出席楼盘活动会否获得额外的买楼优惠，她笑言：“今次未讲，未知会唔会比优惠我？如果真系优惠我就check吓银行个数字可唔可以购买到，都要一定嘅资金同埋投资力。”她坦言因为上一次担任楼盘代言人，才启发自己要买楼的念头，并透露：“如果攞嚟收租都好。”她直言对上一次置业是一笔过已经付清款项。