李龙基与王青霞感情受重大考验　自爆获大量异性自荐做女友

撰文： 邝钰莹
出版：更新：

李龙基今日出席迷你仓活动，除打算将数只名表摆放到迷你仓收藏外，还带同未婚妻王青霞（Chris）为他亲手制作的模型公仔，基哥透露Chris不时都会整小手作，除公仔外，又整过飞机。基哥大赞迷你仓帮助到普罗大众，又话自己搬去佛山定居后，香港嘅物品都会摆到迷你仓。

基哥手上嘅公仔，系Chris亲手制造。（叶志明摄）
几只名表包括有卡地亚、劳力士、而江诗丹顿则是Chris所拥有。（叶志明摄）

每次提到Chris时都会十分感触嘅基哥，今日亦不例外，他指每月两次探望会带一些洗头水、获批准的护肤用品等，Chris每日都会写信畀自己，内容差不多都是希望老公身体健康，基哥哽咽说：“佢成日都咁讲嘅，佢唔喺我…嘅身边，希望我好好照顾自己，我都会尽量唔会令佢失望。”

基哥话会考虑下次探Chris时会唱歌畀对方听。（叶志明摄）

基哥今日带来嘅名表，其中一只系Chris父亲送赠爱女，问到会否拎去验真伪，基哥即答：“我完全冇谂过呢个问题，真系，同埋一拎上手就会知道真与假，好得意！”又解释自己因为钟意表，累积多年经验，一上手就知真假，但基哥话暂时未有能力送名表畀Chris，反而不时会送小饰物，问到准备好求婚婚戒未，他说：“未，仲有成七个月。（打算送几卡石？）到时整粒苏联石（又称苏联钻，外观与钻石相似，但成本低廉）畀佢算啦，佢又唔系太重视啲嘢，相信我送咩佢都会钟意。”

基哥一提Chris即哽咽，马国明上前安慰。( 叶志明摄)

李龙基坦言暂时分开后，系对感情方面嘅重大考验，虽然声称对自己好有信心同埋会尽量维持，但基哥自爆收到唔少异性主动出击：“都唔怕讲，有好多戏言嘅WhatsApp或者WeChat，‘既然你的女朋友都唔喺度，我做你女朋友啦’。其实对我都系一个考验嚟，我唔理嘅，当佢讲笑。”基哥仲话以上讯息都唔会回复，因为怕系陷阱！