59岁夏文汐公开冻龄秘笈5大法则：醒唔好即刻去洗面

80年代性感女神夏文汐早前踏入59岁生日，其圈中好友陈百祥及妻子黄杏秀以及其他好友为夏文汐庆祝，并大赞她保养得宜，是“永恒妙龄少女”。日前（2/12）夏文汐现身电视城出席TVB Plus《直播灵接触》 直播节目。

提到“冻龄”有术，夏文汐接受《香港01》公开保养心得：“其实我觉得最紧要系个心态，同埋平时就唔好乱食嘢，食得清淡啲。主要日常我都系食粥同食菜，同埋沙律嘅啲，海鲜我都好钟意食，相反肉类就比较少食，其实我嘅饮食习惯几廿年都系咁，冇变过，所以我一直都唔肥，反而喺我生BB嘅时候就最肥。（平时都有敷面膜？）对我嚟讲得多敷面膜系唔好，因为有好多化学成分，敷得多反而唔系咁好。同埋有一样嘢，千祈瞓醒唔好即刻去洗面，因为我懒成日唔洗面，我系等到食完晏我先洗面，我知好多人一瞓醒就即刻洗面，但我唔系。（有冇话用热水定冻水洗面？）我冻水唔洗得面，因为我怕冻，我要用暖水洗㗎，同埋唔好用热水洗面。”