钱小豪饮食清淡体重维持130磅：而家靓仔兼皮肤滑嫩

钱小豪早前因胃口变小、加上腰背旧患影响，暴瘦40磅导致身形变得“皮包骨”，令人担心。今日他现身邵氏高层黄家禧新书发布会，精神饱满。钱小豪接受访问时今日趁机与大师兄、大师姐聚旧，又指自己当年未够16岁入邵氏，辈分低唔敢讲嘢，被误会孤独，直到后来见到钱嘉乐做《奖门人》启发自己，再加上细仔钱颖德（Tinsley)钟意揽头揽颈，所以自己又学埋一份。

提到健康问题，钱小豪表示感谢各方好友关心，现时“又靓仔、反应又快，把声又大”，叫大家放心。“上星期上磅时约61KG，自己都有少少惊，但我都成日食嘢，而家好似我15、6岁时啲磅数咁，都无办法。”钱小豪透露现时饮食十分清淡，由于唔食煎炸所以皮肤十分滑流，多似汤水，但可能少肉类，肌肉流失导致跌磅，但他今年已进行两次体检，除胆固醇略超标外，其他一切正常。

工作方面，钱小豪主要以直播为主，他解释并非不拍戏，但要有好剧本才考虑，仲讲笑话价钱都好紧要。“咁我都要养父母、又要养细仔，大仔唔使我养，呢5、6年成日跟住我喺横店拍戏，呢排无理佢，佢都30几岁，希望佢自己闯一番事业，我帮佢5、6年。”