JFFT认入组合5强冲昏头脑　床哥自觉有品认暗串姜涛属意气用事

JFFT今日（1/12）现身科学园出席跑步活动，床哥现身时面带笑容，似乎十分轻松。他接受访问时表示：“心情慢慢回复正常，之前有啲事件影响咗，但而家愈嚟愈好。”

问到另外三位成员有否觉得“濑大镬嘢”时，鸡翼表示“唔系好觉，点为之大镬先？”再问是否媒体和粉丝过度敏感，鸡翼认为“比想像中煲大咗少少，我觉得系会有回响，但煲大情况系多。”而米爷认为作为花生友来说，年尾有一件咁嘅事整出嚟都几好睇，身为好兄弟则全程食花生。并承认因杀入5强冲昏头脑，仲话“有机会不如冲去最顶”。

JFFT又否认姜涛第一次回应后嘅直播系有计划性，又解释当日主要想宣传YT新歌，床哥表示：“对佢（YT）影响我系觉得最唔好意思。（比姜涛、Edan更感到唔好意思？）因为佢夹喺中间，佢几难去handle 两边。”

床哥又谓与Edan第一次就事件沟通时，大家有讲有笑，对方亦知道JFFT作风。“佢当下无一个好大反应，但见到事情发酵到咁系出乎意料，我都出乎意料。”曾表示唔知自己有影响力嘅床哥，表示开始知道自己有影响力，问到有无后悔用Edan绯闻来拉票，床哥表示当初只是闲话家常，认谂得唔够周到，如果再有机会的话，用词会修饰一点。

床哥解释第二次直播是因为唔想硬食“冇品”两字，认为自己系意气之争，而对于在IG加上“有品”两字，床哥认为自己“算系有品，都系讲返自己立场”而非挑机举动。而因为今次事件而令更多人认识JFFT，床哥笑言是“不幸之中嘅大幸”。JFFT又预告会出席叱咤颁奖礼，又话睇下有无机会同MIRROR打招呼，问到会唔会同Edan 道歉，床哥表示“想揽下佢”又会尽量破冰。