床哥＠JFFT 90度鞠躬回应姜涛道歉　望快落幕：我系接受佢嘅道歉

床哥＠JFFT日前因为在直播中拉票，呼吁吕爵安（Edan）的脱粉粉丝，于叱咤投周殷廷（YT）及JFYT，更暗寸Edan只顾去台湾玩。片段被转发流传后，姜涛在片段下留言：“冇品”继而引起骂战。

Edan今日（28日）出席活动时已经再次为事件开腔，他指以“大事化小，息事宁人”为主：“佢同我立场有少少唔同，未达成共识，系有少少可惜。”而姜涛亦有为自己骂床哥“冇品”而道歉：“我已经道咗歉，佢接唔接受，我都尊重佢，佢道唔道歉都系佢嘅选择。”

晚上JFFT以“爱与和平音乐会”为题开直播，直播开始时床哥亦有提及今次的事件，他表示接受姜涛的道歉：“我唔系想搞啲咩纷争，我唔系想制造咩社会矛盾，其实好老实讲本身我哋系谂住落区拉票，但系其实我自己个状态唔系咁好。”所以今日他没有出现于拉票活动。

他表示晚上收到消息指姜涛向他道歉：“呢件事我哋都系输，唔好话谂住姜b道咗歉系咪佢输，佢冇输，我哋都系输㗎！”他先指自己精神状态都受到今次事件影响，亦收到很多DM。接著床哥说：“咁佢今日喺访问入面，喺传媒朋友面前，佢有道咗歉。首先一样嘢，我系接受佢嘅道歉㗎，我系唔想再制造纷争，亦都唔想再去骚扰到我同我嘅屋企人，因为好老实讲系几唔舒服㗎。去到呢一刻搞到咁大，除咗花生友之外，我相信唔系大家想见到咁嘅。”床哥希望事件就此而完结。

床哥说完后起立向镜头90度鞠躬，希望事件快点落幕，之后更唱出Beyond的歌曲《AMANI》。