林文龙夫妇激罕甜蜜合体庆结婚20年　郭可盈望拍剧：随时都ready

郭可盈与林文龙今日（27日）激罕以夫妻档身份合体出席公开活动，提到2人今年踏入结婚20周年，他们接受访问表示：“记忆犹新，呢个画面永远都好深刻，摆喺我哋嘅心里面，有阵时阿女都会睇返啲片，佢都好享受去睇见到爹哋妈咪嘅爱情同幸福，从心而发咁开心。”林文龙则回应：“今日嚟到酒店谂返起当年行礼𠮶一日咁好天气。”

林文龙透露安排好行程为老婆庆生

被问到为什么会打动两公婆合体出席活动，林文龙笑说：“我哋真系好耐冇一齐出席活动，又适逢我老婆今日正日生日，主办邀请我哋嘅时候，助手又同我哋讲原来我哋两公婆系老客户，20年前嘅今日就系我哋嚟做活动，就见证佢哋创办20周年，顺便见证我哋创办20周年，我觉得系好好嘅庆祝机会。”适逢老婆郭可盈今天生日有什么庆祝，林文龙回应：“我已经订好晒啲晚饭，安排好晒，一家三口开开心心食饭。”林文龙指自己属于比较少仪式感的人。

郭可盈指随时ready接剧

讲到郭可盈最近在内地演出唱歌，她表示：“其实真系好多年冇喺内地出席活动，有阵时遇到适合嘅邀请，件事最紧要开心就同大家见面。如果讲拍戏的话，我随时都ready，有好嘅团队合适嘅剧本就好啦！”提到最近有留意什么电视剧剧集，她说：“好似上年热播嘅《新闻女王》，都系一个好专业嘅角色，有血有肉，好难得遇到一个好嘅剧本，呢一个系一个缘份。”

至于曾志伟有否出山主动邀请拍剧，她说：“近呢几年大家都知道我嘅路向，有阵时不断都会收到一啲内地嘅剧本，要离开香港一段时间就比较难，如果可以喺香港，又有啲合适嘅剧本，我好愿意同大家见面。”讲到女儿是否希望加入演艺圈，他们异口同声表示：“阿女都仲系细个，新世代好贴切韩国风格，对音乐好热爱同埋有天份，唔会谂入行住，等阿女再大啲先算！”

林文龙冇刻意谂夫妻合体接工作

谈及会否希望夫妻档接内地综艺节目，林文龙直言：“我哋唔会刻意去谂呢啲嘢，所有嘅工作唔系话夫妻档或者活动同拍嘢，如果遇到合适时间又啱嘅，咁就去enjoy，我哋唔会当系一份工作去做，已经唔系以前嘅心态，最紧要系享受。”至于林文龙是否正式离开亚视，他坦言：“冇啦！我已经离开咗啦！都系可遇不可求，去到呢个年纪，最主要享受人生同埋开心，工作生活都好要拣一啲自己钟意嘅嘢去做，唔啱嘅就唔做。”