独家｜戴耀明做侍应成日落错单　老板张本立动粗责骂：一两句啫

最近有戴耀明于“饮食界富二代”张本立（Billy哥）黄大仙的茶记开工，日前《香港01》 独家直击戴耀明开工情况，Billy哥接受《香港01》访问分享做老板的主要工作：“负责啲生意、食物啊！材料啊！”至于是否需要亲身上阵接待食客，他表示：“如果我返到嚟公司入边就要㗎啦！”他指自己不用洗碗，并续说：“有阵时要切下菜、帮吓啲厨师！”讲到最近是否不用拍剧，他说：“呢排有阵时拍剧、有阵时做返自己嘅生意。”

承认亲自邀请戴耀明做侍应

被问到是否聘请戴耀明做侍应，他说：“其实因为我同佢拍剧结缘，有阵时佢就话想生活体验，佢想试吓做楼面嘅感觉，我话当然冇问题。”至于最初得知戴耀明答应工作时，是否认为对方只是开玩笑，他表示：“开头我都以为佢玩玩吓，不过呢佢做嘢都好认真。（戴耀明什么时候开始正式上班？）睇吓几时得闲啦！佢如果要返工都会早一日同我讲，开头就叫佢晏昼过嚟帮手，𠮶阵时冇咁多食客，始终都惊整亲佢。”

他指戴耀明的工作需要招呼食客：“要落下单、执头执尾，或者执垃圾，同埋洗吓杯碗碟。”提到对方工作时的“虾碌事”，他说：“落单落错，人哋要切鸡饭，佢就落咗烧鸭饭，经常性会咁样，我唔怪佢，因为佢系学习中嘅人。”至于过去有否曾经动粗责骂戴耀明，他直言：“粗口间唔中都一两句，因为都好写实。”

透露食客认出戴耀明相当开心

提到有否目睹食客认出戴耀明，他说：“梗系有啦！但系啲小朋友就未必认到佢，因为就觉得佢头发古怪，但系有啲30至40岁嘅人见到佢就好开心。”讲到戴耀明是否属于自己的徒弟，他幽默回应：“咁又唔好咁讲，其实拍戏我系跟佢学嘢，如果做楼面就分享我嘅经验俾佢。”他透露有望与戴耀明一齐在电台节目中合作。