专访｜吴尊自爆长期失眠20几年求医接受治疗：冇一日瞓超过六个钟
曾经风靡万千少女的一代男神吴尊，当年以组合飞轮海身份成功打入香港市场，更举行过红馆演唱会，每一次抵港超过近千名粉丝接机呐喊，人气相当强劲！吴尊最近现身澳门出席2024中国网球巡回赛（澳门）总决赛签名会，他接受《香港01》 专访表示：“我好耐冇搞签名会，所以好开心，因为可以同各位粉丝见面，好近距离，呢一次同网球有关，所以我特别热爱，我觉得好爽。”
难忘当年飞轮海搞签名会过万歌迷排队
提起当年以组合飞轮海举行签名会，吸引过万名粉丝排队，他笑言：“我仲记得𠮶啲场景，有阵时要签七至八个钟头，可能已经签到凌晨一两点，所以啱啱签名嘅时候都有好多回忆，而家讲我都起晒鸡皮，系一个超好嘅回忆。”他继续指现阶段举办签名会已经转换身份，他说：“我系一个运动员。”
大谈定居上海生活原因
提到现时在上海定居，他分享：“而家过得好开心，尤其系我嘅小朋友，学中文学得好好，我搬去上海嘅原因就系想小朋友接触中国嘅文化，畀佢哋去学中文，呢样嘢有好大嘅收获，所以呢个决定做得非常好。”
自爆长期失眠20几年求医接受治疗
至于日前举行歌迷聚会分享睡眠方面出现问题，他坦言：“我瞓觉一直都有问题，但系我都习惯，已经二十几年，我瞓觉都系每一日冇超过六个钟，但系我觉得系一件好事，因为可以做更多嘅嘢。”讲到医生有否特别的建议有助改善睡眠情况，他说：“医生话叫我唔好谂咁多，而家有一啲技巧去持续治疗，更好休息。”
踢爆蔡卓妍属“吃货”代表
被问到曾经与先后与蔡卓妍和徐熙媛拍电影，甚至当年经常出现在香港，他忆述：“喺香港拍戏有好多回忆，尤其系佢哋（工作人员）好照顾我，因为知道我系食神，所以佢哋都会买啲好食嘅嘢俾我，每次去香港都有好多想食嘅餐厅。”他强调蔡卓妍也属于“吃货”，并表示：“佢成日俾啲好食嘅嘢我，我哋之前喺日本，都有带我去食啲好嘢，我觉得香港人都好钟意食嘢。”
透露小朋友有睇昔日代表作《花样少年少女》
谈及与陈嘉桦（Ella)当年共同演出的经典台剧《花样少年少女》快将要迈入20年，他惊讶回应：“真定假，《花样少年少女》实在太多回忆，我谂我嘅小朋友都有睇过，佢哋都好钟意，好多谢支持《花样少年少女》嘅Fans。”他继续指希望各位粉丝能够重新再重温，并笑说：“各位Fans都要再回忆一下!”被问到现时还有兴趣再拍剧，他坦言：“其实我好钟意㗎！有阵时睇啲电影，都好想有份去演，但我冇办法克服自己家庭，唔想同小朋友分开嘅感觉，所以而家都系将家庭放喺第一。”