蔡卓妍生日唔恨变回“24岁”　大只仔突袭拉手跳舞又送上美臀任打

Twins最近忙于北美巡演，来到多伦多尼瓜拉瓜大瀑布，撞正蔡卓妍（阿Sa）42岁正日生日，演唱会后就拉大队食饭庆祝，工作人员特意把蜡烛上的“42”掉转放变“24”，但被阿Sa自己调返转，她说︰“你睇下我个人几诚实！哈哈。人系会长大，假如今日我停留系24，大家就再见唔到我啦。我极度开心自己一年大一岁，证明我健健康康快快乐乐地活著，好好享受生命每一刻。”日本餐厅的服务员十分热情，主动为阿Sa跳舞庆生，还有大只仔叫阿Sa 拍她pat pat ，又想拉她跳舞，吓到阿Sa狂笑不止，十分搞笑。

今次巡演，Twins异口同声表示觉得份外非常珍贵，“因为真系唔知几时会再做咁长时间巡演啦，6 场成个tour差唔到走20多日，唱完多伦多、之后重要去大西洋报、拉斯维加斯，雷诺，再去英国伦敦！年纪愈大就愈觉得张学友，刘德华佢地好劲，六十几岁重唱成百场，我哋两个六十几岁𠮶年都唔知会点啦，歌迷都或者凑孙，唔得闲理我哋啦，所以好期待今次每一站见到唔同地方嘅歌迷，好珍惜每一刻相聚。”

寿星阿Sa表示︰“由香港机场到依家，已经吹左7个蛋糕，有啲系歌迷亲手整，有啲系朋友送。今年生日好特别啦，因为时差关系，有两日呀。感恩自己今年做咗好多嘢，虽然好忙 但系好充实嘅！希望嚟紧呢一年，身体健康 继续有无穷无尽嘅精力，工作之余 仲可以去多啲旅行 Work hard, play harder！多谢大家嘅生日祝福，我收到晒！”

TWiNS SPIRIT演唱会，一直以来都是四面台，到温哥华开始变身三面台，Sa、娇也还未全习惯，所以经常有很多虾碌发生，例如走错位，行错方向等等，非常搞笑。温哥华站两人落台跟观众握手，更引起全场疯狂，群情汹涌，钟欣潼（阿娇）准备返舞台时，行经panel附近无法前进，结果只有上咗Panel度坐了一会，等观众返回自己位置冷静，娇娇更突发在panel叫大家一齐同阿sa唱生日歌庆生，阿Sa在台上笑言：“点解你系个度唱嘅？哈哈。”阿娇说:“好少可以系人群之中咁状态，好特别呀，大家一齐唱生日歌比阿Sa听！祝你生日快乐！”

对于握手群情汹涌，但阿Sa冇有怕:“之后重有大西洋城，拉斯维加斯，然后英国伦敦！唔怕啦，其实我系一个几钟意同观众握手嘅人，哈哈，因为每一个近距离握手观众，都系四万咁口望住你，都好开心㗎，好似大家互相交换开心能量咁，好正。”

阿娇就话：“好耐无黎加拿大，见到朋友仔好开心，仲饮到老豆屋企煲既汤水，好暖心。观众反应都超乎自己预期啦，咁耐无黎大家都咁热烈，都好开心。因为舞台有变化所以要记好多新位置，第一场仲有jet lag，个人未系好warm up，希望之后几场越来越好！”