中年好声音3｜伍仲衡生日惹骂战　被揶揄700人寿宴收得贵还击

撰文： 林迅景
出版：更新：

日前（22/11）《中年好声音3》记者会，评审之一的伍仲衡缺席，原来是因为与颜志恒一齐相聚大搞生日派对。两人邀请《中年》好友之外，还大排筵席租场搞700人寿宴，整晚又食又唱，非常热闹！不过开心归开心，但伍仲衡当天就忽然与网民骂战。

当晚伍仲衡玩得好开心，台下班粉丝一样都玩得开心。（Facebook图片）

事缘伍仲衡早前在Facebook开po分享，原来有网民因宴席收费事宜而大闹“700条水鱼”。当然，不少参加“伍仲衡颜志恒生日会”活动的粉丝都纷纷表示只是食饭聚会，并无觉得不妥。伍仲衡亦在同一帖文底下列出酒席花费，暗指自己并没有收贵。“酒席每席$6,000，租乐器音响+5人乐队开支几万啦，仲有大量礼物抽奖，玩游戏又有歌听，每位只收$680，点水鱼呀！你返火星住啦，不知所谓！生日都要开你拖！”

观众最钟意睇伍仲衡同肥妈斗嘴。（截图）
一围12人，即系平均一个人$500。有Live band又有礼物抽仲有歌星睇，$680又唔贵㖞。畀人情都唔止啦。（截图）
伍仲衡真系好嬲㖞。（截图）

而伍仲衡更相当大爆，公开有关网民在Facebook上的大头贴，又写道：“真系生日都要开你拖，入嚟我度搞事？未死过！大家认住呢件物体，丑样嘅人见得多，真系未见过连个心都咁Q丑样，个嘴真系似水鱼。You are what you said!!”其后帖文就疑似消失了。今日（23/11）伍仲衡再于Facebook上表示：“话我冇所谓，话我啲fans系水鱼，我同你死过！我冇删Post, 系FB删除的，理由系话我个Post可能会造成威胁，原来我这么Lee High（厉害）”

伍仲衡。（资料图片）